影片
更多
2016-05-17
10863 瀏覽
香港嘅日本餐廳實在係多不勝數，要令人想試完再試，就一定要好出眾！而當一向嘴刁嘅同事「大大力推薦」Sushi Ta-ke竹壽司，我就諗都無諗打左去Book位！約左朋友1點食Lunch，入到去，環境一流，格調摩登，就算坐滿晒人，整體氣氛都好舒服。我地揀左壽司吧臺，決定唔睇餐牌，食由師傅發辦嘅omakase。揀omakase最睇到師傅嘅心思同功力，而Sushi Ta-ke就絕對無令我地失望！當中有幾款好值得推介！其中一樣頭盤係甜蝦+白蝦，鮮甜Q彈，唔錯 !日本象拔蚌煙韌爽口，上面舖左酸酸甜甜嘅柚子皮，超‧級‧回‧味！其實每次食拖羅都戰戰競競，因為曾經試過希望越大失望越大。師傅係食之前細心提醒我地，拖羅已加左少少鹽，唔需再點豉油。一入口，肉質幼嫩，油分豐富，老土都要講句：入口即溶！讚！牛味濃郁，酥嫩多汁，燒得啱啱好。主菜燒和牛係我另一最愛。赤身壽司，爽潤細緻，唔會太過油膩，令我對吞拿魚改觀～平時比較少食嘅喜知次壽司，賣相吸引，食落去好爽身，正～不得不推薦嘅海膽壽司。層層叠嘅海膽濃郁甘甜，無腥味，好有after taste。起初以為係蛋糕，聽師傅講原來係玉子！賣相吸引不在話下，食落去鮮甜彈牙，好
香港嘅日本餐廳實在係多不勝數，要令人想試完再試，就一定要好出眾！而當一向嘴刁嘅同事「大大力推薦」Sushi Ta-ke竹壽司，我就諗都無諗打左去Book位！
約左朋友1點食Lunch，入到去，環境一流，格調摩登，就算坐滿晒人，整體氣氛都好舒服。我地揀左壽司吧臺，決定唔睇餐牌，食由師傅發辦嘅omakase。
揀omakase最睇到師傅嘅心思同功力，而Sushi Ta-ke就絕對無令我地失望！當中有幾款好值得推介！其中一樣頭盤係甜蝦+白蝦，鮮甜Q彈，唔錯 !
日本象拔蚌煙韌爽口，上面舖左酸酸甜甜嘅柚子皮，超‧級‧回‧味！
其實每次食拖羅都戰戰競競，因為曾經試過希望越大失望越大。師傅係食之前細心提醒我地，拖羅已加左少少鹽，唔需再點豉油。一入口，肉質幼嫩，油分豐富，老土都要講句：入口即溶！讚！
牛味濃郁，酥嫩多汁，燒得啱啱好。主菜燒和牛係我另一最愛。
赤身壽司，爽潤細緻，唔會太過油膩，令我對吞拿魚改觀～平時比較少食嘅喜知次壽司，賣相吸引，食落去好爽身，正～
不得不推薦嘅海膽壽司。層層叠嘅海膽濃郁甘甜，無腥味，好有after taste。
起初以為係蛋糕，聽師傅講原來係玉子！賣相吸引不在話下，食落去鮮甜彈牙，好特別。
身為綠茶控嘅我，二話不說揀左綠茶雪糕作甜品。果然無令我失望！入口滑，綠茶味唔會太過濃縮，恰到好處，讚！
張貼
