一碗 (已結業)

下課後，四圍搵下有什麼新食肆未食過，發現這間粥店「一碗」在門口看一看店內環境，都幾企理，於是決定一試。店內以白色為主，裝修簡單，只在牆上掛上粥、麵的圖片。先看Menu，這裡有粥、麵、飯，跟餐有小食，另外可加錢有飲品。食物價格散叫大約$3X，跟餐大約 $4X；這價格在銅鑼灣區都算合理。另有一些超過一百元的粥，豐險由人。點了我的至愛－豬腰粥，小食點炸鯪魚球，另加$5 有凍豆漿炸鯪魚球：即炸，熱辣辣～。表面炸到金黃色，而且炸得剛好，沒有過乾，鹹味合宜。小小的蜆介醬內有兩隻蜆仔，味道唔錯，鹹香味重，用來點鯪魚球一流凍豆漿：唔甜，好似已走甜，都有豆香味，合格豬腰粥用瓦煲上，看上去製作認真；撈一撈都有5塊豬腰，份量ok。先食啖粥，無味～　小妹平時都食得清淡，盡量少鹽少糖少油少醬油，但係都接受唔到這過無味粥～第一次在枱上搵調味品，結果加了少少豉油，終於有少少味，但食下食下都要再落豉油～好少少但其實味道都好淡。其實豬腰都無味～大鑊～如果當天病到七彩，這裡的粥應該幾好，因無調味夠健康，加上病到無味覺，碗粥有無味都唔介意。但平時，真係唔好搞我，試一次就夠～最後食完豬腰便算，粥真係無能為力完成它；浪費了食物