一鍋瘋 (已結業)

喜歡食海鮮的朋友，有呢間推介。十款生猛海鮮加個特色粥底，每位 $188。可以一次過食十款海鮮，真係聽到都開心！特色粥底有五款，分別係粟米、椰子、紫薯、甘荀同菠菜。各人揀返自己鍾意果款，唔使爭上枱滾起，明顯聞到椰子味好香，反而紫薯就比較低調。雖然話係粥底火鍋，但其實佢個湯底係未加米的，所以好清，唔怕會痴底。耐心等一等，海鮮盤就出場了。十種分別係肉蟹、海蝦、鮑魚、生蠔、貴妃蚌、扇貝、黃刀貝、蕃薯蜆、白蜆仲有魷魚。見到呢個陣容，叫D海鮮控點忍？肉蟹好新鮮呀！貴妃蚌好大隻，好新鮮，仲有馬刀貝同扇貝，全部都好鮮甜。可以將所有海鮮一網打盡，感覺真係好極。望過少少，仲有鮑魚、蕃薯蜆同日本蜆，隻隻肥美，洗得乾淨又冇沙隻蟹好多膏，肉質亦鮮甜。海蝦亦夠大隻。馬刀貝是鮮甜的，味道一流。食完海鮮如果覺得唔夠，仲可以加配火鍋配料，有成幾十種選擇，都係 $12 咋我地加左豚肉，豬皮 and 娃娃菜。豚肉有樣你睇，係靚料，食落又滑又有味，都係 $12 四片。推介，加加加！最後加入芋頭粒、南瓜粒同米糊。粥底集合了眾多海鮮的鮮味，又香又綿又滑，仲有絲絲紫薯味，好滿足。