紅樓

營業中

休息中

今日（14/11/2022）來紅樓飲早茶，十點坐下，侍應話用手機落單，十點零七分落單，點了六個點心。後見鄰枱有點心紙，再問侍應攞，原來點心紙有$9.8安蝦咸水角，但手機落單係無。強烈建議，用點心紙落單好快來了叉燒腸及Q版白免拌菲林卷，叉燒腸都可以，但Q版白兔拌菲林卷，菲林卷換了芒果糯米糍，點心放下，即問送餐姐姐，回覆是改了好耐，但未改點心紙，咁算啦，白兔仔樣子可愛，是芒果奶凍來，好味，芒果糯米糍唔太甜，都好食。食咗2個點心後，一直都無點心嚟，到十點八加單時問部長，部長話要蒸，叫我哋耐心等候，十點十，加單點心蟹籽燒賣皇及安蝦咸水角都來，再催部長，都係要等。十點五十五分，除臘味糥米飯外，其他點心都來。紅樓蝦餃皇 ，麻麻地，皮無咬口，餡料鬆，山竹牛肉球及潮州粉果就幾好。十點五十八分，部長話臘味糯米飯就來，故先去埋單，因十一點後茶錢要$12，坐收銀枱的經理話十一點九前係$9，點解又同點心紙唔一樣？臘味糯米飯十一點二來，趕時間，急急食咗就去埋單。