川上龍 (已結業)

中午食飯要等位好正常，有位唔俾你就唔啱！一個人中午十二時半去到川上龍，講明搭檯都無所謂，當時明明有位空出，個新黎嘅經理話冇位，係要你等吓，扮好生意、扮名店，換咗人之後食物差咗、服務都差埋！裝飯嘅碗已經用咗最令人討厭嘅三聚氰胺膠碗😖😖😖，立即列入黑名單，以後都唔會再去！尖沙咀要食川菜有咁多選擇，谷鬼氣走去堪富利士道間北京老家，叫咗個水煮面青（水煮豬頸肉）只不過55元，夠麻夠辣，正👍🏼！仲有湯、有甜品送，女侍應臉帶笑容服務又好！👍🏼👍🏼最好嘅係杯盤碗碟都係用瓷器，只有筷子係塑膠。