影片
更多
2008-02-12
2 瀏覽
平時都無打開食評... 今日真係扯火，不打不痛快。今朝一家人唸住去食早餐，九記同勝香園無開，蓮香樓又多人完全無位。見喜悅好似ok，入去飲茶。入到去十分鐘，無阿姐理我，無人開咭無人開茶，全部去搵d茶客吹水博攞利是。好聲好氣叫佢寫野，竟然認完我之後繼續吹水，離哂譜。見阿媽係度我就收一收火。叫點心，難得咁齊人一齊食，就點左12碟左右。蝦米腸唔好食，一pat pat野咁。臘腸卷好臭..咬左一啖吐左出黎，最尾成碟要放去隔離台。其他點心唔太差，但係唔好食。叫人沖茶叫左好耐無人理我。無人理好耐，我阿媽想自己去加水。火都黎，大聱叫左一聲阿姐先肯有人黎理我。廁所又好污糟，好耐未清潔咁既樣。埋單43x，五個人十二碟點心，十二蚊茶位, 小點18蚊件。完全唔值。價錢唔係問題，但係你咁既價錢，你食物質素好番小小，服務態度大大大改進，我咪條氣順囉。食剩唔小野，打包番去食。叫十聲八聲無人攞盒比我... 十分鐘叫左3個阿姐，個個都點頭... 無人理我。唔係茶客唔俾利是就咁差服務態度呀ma！今次真係火都黎埋，好大聲叫左聲「阿姐，我個盒仲未有呀」，先有人施施然比我。呢間野我真係以後都唔會再黎。，仲要叫人唔好去食‧
今朝一家人唸住去食早餐，九記同勝香園無開，
蓮香樓又多人完全無位。
見喜悅好似ok，入去飲茶。
入到去十分鐘，無阿姐理我，無人開咭無人開茶，全部去搵d茶客吹水博攞利是。好聲好氣叫佢寫野，竟然認完我之後繼續吹水，離哂譜。見阿媽係度我就收一收火。叫點心，難得咁齊人一齊食，就點左12碟左右。
蝦米腸唔好食，一pat pat野咁。臘腸卷好臭..咬左一啖吐左出黎，最尾成碟要放去隔離台。其他點心唔太差，但係唔好食。
叫人沖茶叫左好耐無人理我。無人理好耐，我阿媽想自己去加水。火都黎，大聱叫左一聲阿姐先肯有人黎理我。
廁所又好污糟，好耐未清潔咁既樣。
埋單43x，五個人十二碟點心，十二蚊茶位, 小點18蚊件。
完全唔值。價錢唔係問題，但係你咁既價錢，你食物質素好番小小，服務態度大大大改進，我咪條氣順囉。
食剩唔小野，打包番去食。叫十聲八聲無人攞盒比我... 十分鐘叫左3個阿姐，個個都點頭... 無人理我。唔係茶客唔俾利是就咁差服務態度呀ma！
今次真係火都黎埋，好大聲叫左聲「阿姐，我個盒仲未有呀」，先有人施施然比我。
呢間野我真係以後都唔會再黎。，仲要叫人唔好去食‧
張貼