天吉屋 (已結業)

日本天婦羅過江龍其一間，試過之後，得一個感想，就係好大份好足料。一個人食一碗係食唔晒，因為真係有好多款不同海鮮和蔬菜。食炸物始終都可能會食唔多，仲會有啲滯，再加埋個飯同好好味的醬汁，都唔知食晒d飯好定係食晒餸好。個價錢絕對對得起碗天婦羅飯，一定要食炸魷魚。至於味道方面，我就覺得同一般嘅天婦羅一樣囉，冇乜特別，但勝在即叫即炸，熱辣辣同埋脆卜卜，同埋係專門食天婦羅嘅餐廳，正宗正宗，啱晒而家掛住日本嘅我哋。