樂面牛屋 (已結業)

之前有留意過呢間台式餐廳，一於搵日去試下佢，來到時尚早不用等位。紅燒韭菜餃麵餃子是韭菜饀料，都算豐富，不過味道就一般般，而餃子皮就略嫌太厚。麵條屬粗麵條，唔易斷，但唔够彈牙。紅燒湯底，味道都算濃郁，略帶少辣。肉燥乾麵份量確實比較少，肉燥同蒜片擺係麵上，要撈一撈先進食。肉燥味道唔算好濃郁，唯一可稱讚嘅係蒜片起到調味作用。冰鎮桂花冬瓜茶可惜桂花味非常之輕，而冬瓜味道偏甜，反而令成杯野普普通通。整體來講，算係一般。