影片
更多
2018-05-28
1489 瀏覽
由於家住西環，所以德記係我由細到大幫襯！其實由德記細舖搬大舖之後都少左幫襯，因為經常大排長龍，寧願選擇其他更好味的餐廳。今晚爸爸心血來潮話想食，佢18:10已打電話問可唔可以訂枱，接電話的伙計話即刻黎都可能有位，我地1行3人仆到落街！不過去到都要等左20分鐘先有位。3人叫左1個二人套餐（鹵水鵝肉、2盅蟲草花燉螺頭湯、菜心青衣球及馳名蠔仔餅1片）加個金銀蛋浸莧菜。鹵水鵝肉。點得鵝肉而唔點鵝片，就當然覺得鵝肉比較滑啦，點知大半碟鵝肉都「又鞋又韌」，失望！蟲草花燉螺頭湯味道係唔錯，感覺無味精，但可以的話唔好放咁多「又乾又鞋」嘅煲湯豬肉落去啦拜託。菜心青衣球我喜歡蒜蓉，所以覺得佢煮得幾好，青衣球都夠滑，共有6件，每人有2件都夠哂食！馳名蠔仔餅蠔餅邊炸得幾香脆，蠔仔份量都多，可惜粉漿比例略嫌多左，或者因爲撈唔勻，令蠔餅中心比較腍、多漿粉。金銀蛋浸莧菜金銀蛋，故名思義應該要有鹹蛋及皮蛋，只見成個菜煲有皮蛋及鹹蛋白！咦！鹹蛋黃呢！？禮貌地請左一位阿姐問下個鹹蛋黃喺邊。解釋左一輪之後，第1位阿姐禮貌地叫我地等等，叫左第2位（較高級！？）嘅阿姐黎！第2位阿姐過到黎，又要我爸爸再解釋多一次。佢聽完後好似費
今晚爸爸心血來潮話想食，佢18:10已打電話問可唔可以訂枱，接電話的伙計話即刻黎都可能有位，我地1行3人仆到落街！不過去到都要等左20分鐘先有位。
3人叫左1個二人套餐（鹵水鵝肉、2盅蟲草花燉螺頭湯、菜心青衣球及馳名蠔仔餅1片）加個金銀蛋浸莧菜。
鹵水鵝肉。
點得鵝肉而唔點鵝片，就當然覺得鵝肉比較滑啦，點知大半碟鵝肉都「又鞋又韌」，失望！
蟲草花燉螺頭湯
味道係唔錯，感覺無味精，但可以的話唔好放咁多「又乾又鞋」嘅煲湯豬肉落去啦拜託。
菜心青衣球
我喜歡蒜蓉，所以覺得佢煮得幾好，青衣球都夠滑，共有6件，每人有2件都夠哂食！
馳名蠔仔餅
蠔餅邊炸得幾香脆，蠔仔份量都多，可惜粉漿比例略嫌多左，或者因爲撈唔勻，令蠔餅中心比較腍、多漿粉。
金銀蛋浸莧菜
金銀蛋，故名思義應該要有鹹蛋及皮蛋，只見成個菜煲有皮蛋及鹹蛋白！咦！鹹蛋黃呢！？禮貌地請左一位阿姐問下個鹹蛋黃喺邊。解釋左一輪之後，第1位阿姐禮貌地叫我地等等，叫左第2位（較高級！？）嘅阿姐黎！
第2位阿姐過到黎，又要我爸爸再解釋多一次。佢聽完後好似費事啋我地咁，求其嗡左2句「係咁架啦」！我爸爸想繼續問個阿姐，呢個阿姐完全唔理我地就擰轉頭走左去！今時今日待客之道又係咁嗎？
之後我爸爸心有不甘再搵左另1個大叔伙計，呢位大叔似乎態度好啲，問我地想點！？要唔要換第2個餸！？我地費事再煩，加上其他餸都食得十之八九，唔想再等而無換！
其實啲餸菜又唔係好味，價錢又唔係特別抵食，伙計態度又參差，真心唔明白點解咁多人幫襯，仲好似每晚都幾十人喺門口大排長龍！啱嘅，我唔識欣賞啫，或者間野大把其他人欣賞呢！人地仲係「車軚仔」推介食店添，嘿！
張貼
