臺北棧 (港威商場)

營業中

休息中

一入到去見到裝修已經知道點解咁受女士歡迎，食物方面，亦好明顯是刻意設計畀人去打卡。我地一行五人叫左招牌牛肉麵( 刀削麵) 、酸辣牛肉麵( 寬粉絲) 、蒜泥台灣水蓮、鹹蛋艼泥蛋餅、地瓜藉條、招牌魯肉飯 & 松露魯肉飯。Overall 唔係差既，個牛肉麵好足料，牛肉夠厚夠大片冇欺場，寬粉絲好Q 彈，湯汁有層次，不過就略嫌冇左最original 台灣牛肉麵既古祖味。地瓜藉條熱辣辣，點埋個酸酸甜甜醬汁好好食，艼泥蛋餅一般，好似純粹為畀人打卡而整出黎，對男士來說唔會有咩味道驚喜，因為皮太薄但個餡太林，一夾起已經散開，令整個進食體驗大打折扣。我最失望係魯肉飯，唔係味道既問題，而係D 飯落左太多水，煲得太林，因為畀你再靚既米，再好既配料汁料，米飯煮得太林係會影響食慾(所以我地兩碗飯都食剩 )，除非你本身好鍾意食林飯。廚房負責煲飯既員工要注意落水份量。