影片
更多
2007-10-04
3 瀏覽
本身只係好食肉，對肉質並無太深研究；但係任何人對食店o既服務態度點都會有D要求。以為咁大間鋪開得o係大商場入面，服務質素點差都好過出面街D火煱酒家.....點知....唉....一入到去坐低，問個類似部長o既哥哥仔D套餐有咩分別，我地都有眼睇你間鋪有幾忙，但係都未至於咁o既面口答D客o既問題卦？到我地order完，食完第一轉牛肉，食第二轉時，要我地同你講三次你先肯拎第二碟俾我地？由第一次叫到你送碟肉到枱面時，足足用左十分鐘，無野嘛？我坐o係你地出菜個廚房十步之內o者....你係咪dum我地時間呀？你又要限人地九十分鐘之肉任食，但係你又咁耐先肯出第二碟俾我地，咁你同出面果D cheap酒樓有咩分別呀？你已經唔係多野食架啦....叫D野又唔拿拿臨出俾人，咁人地坐o係度食風咩？食物質素方面都無咩好講....鬼叫自己孤寒，叫一種湯底果個套餐咩....全程都係食果個味精底，仲要越煲越濃，D味精越濃越縮，好彩其中一個waitress醒目，問我地使唔使溝返淡D先叫做好少少....不過最慘係D牛肉，好彩係叫平果種....淨係睇隔離枱都已經爭D俾錯D cheap牛肉換左兩次，都唔知D waiter有心定
以為咁大間鋪開得o係大商場入面，服務質素點差都好過出面街D火煱酒家.....點知....唉....
一入到去坐低，問個類似部長o既哥哥仔D套餐有咩分別，我地都有眼睇你間鋪有幾忙，但係都未至於咁o既面口答D客o既問題卦？到我地order完，食完第一轉牛肉，食第二轉時，要我地同你講三次你先肯拎第二碟俾我地？由第一次叫到你送碟肉到枱面時，足足用左十分鐘，無野嘛？我坐o係你地出菜個廚房十步之內o者....你係咪dum我地時間呀？你又要限人地九十分鐘之肉任食，但係你又咁耐先肯出第二碟俾我地，咁你同出面果D cheap酒樓有咩分別呀？你已經唔係多野食架啦....叫D野又唔拿拿臨出俾人，咁人地坐o係度食風咩？
食物質素方面都無咩好講....鬼叫自己孤寒，叫一種湯底果個套餐咩....全程都係食果個味精底，仲要越煲越濃，D味精越濃越縮，好彩其中一個waitress醒目，問我地使唔使溝返淡D先叫做好少少....
不過最慘係D牛肉，好彩係叫平果種....淨係睇隔離枱都已經爭D俾錯D cheap牛肉換左兩次，都唔知D waiter有心定無意；碟碟都差唔多，每一次叫D質素都唔同....個部長類物體就話：之前舊牛肉切完，就換過第二舊....都唔係爭咁遠呀？呢頭黎呢碟淥完灰色，再叫第二碟，黑色？？？
最後講埋個環境：本身坐落都算舒服，但係個buffet bar個設計就超低能，你要保持D食物新鮮乾淨，你不如搵個箱入住佢，有人夾果陣打開個蓋夾咪得囉，又要整返透明硬膠板o係上面遮住，唔湯唔水，一係你就整高D，o岩o岩o係我條頸位(我五尺九至十寸高)，我要夾入面D食物時個動作好古怪，仲要有一下俾佢塊硬膠板撞到我個咀，撞到D牙搞到出血....總之個設計就超低能啦！！！！！
一句講哂：一定唔會有下次.....
張貼