魂 (已搬遷) 新店位置

係openrice見到咁多人like呢間拉麵店，諗住試下啦。進入拉麵店，感覺比較日式，香港寸金尺土，店內面積都比較「骨子」。當日店內都坐滿人，不過店內最入有2個位，就行咗入去，點知行到入去，有陣好UP嘅氣味，當時進退兩難之際，門口位置有人離開，即刻要求坐門口位。雖然位置係比較狹窄，有好味嘅嘢食，狹窄都係無傷大雅。點咗一個普通嘅豚肉拉麵同一個較特別嘅綠色湯拉麵，豚肉拉麵湯底都濃嘅，都ok啦。而綠色湯拉麵，其實我食唔出有咩特別味道，係比豚骨湯濃味d，都幾好味嘅！自問普通一個女仔，食量都算大，呢碗麵對我嚟講真係好少......最後要去食窩夫墊肚