茶星人 (天盛街市) (已結業)

茶星人天氣咁熱，出完街返屋企身水身汗，買杯嘢飲涼下先，呢間舖頭係屋企樓下開咗好耐，第一次飲，平時間鋪都幾多人排隊我諗味道都唔錯。成間舖頭都係用宇宙做主題，好得意。芝芝芒芒 $35足足700ml，大大杯，濃郁奶蓋，配上淡淡清香芒果味，感覺好新鮮，一啲都唔肥，自己覺得杯嘢飲走甜已經足夠甜味，唔需要額外加糖。奶蓋打得好幼滑，完全無一粒粒，香濃幼滑，有少少似飲緊芝士餅嘅味道。佢哋啲芒芒係沙冰，所以半個鐘都keep到杯嘢飲好凍。沙冰係用有茶嘅成份，淡淡茶香，唔會太甜。