稻香 (已結業)

🐥一蚊雞約咗成班friend喺旺角，但係諗唔到食乜嘢好，有人提議去稻香打邊爐就起行，一去到勁多人排隊，原來全世界都喺度食一蚊雞，根本都冇人打邊爐嘅，咁我地唯有都轉食一蚊雞啦😂 一蚊雞🐥聽就聽得多但係食都係第一次食~兩個人一隻雞，本身覺得一蚊雞都唔會畀啲乜嘢貨色你㗎喇，點知原來係一隻脆皮雞，兩個人合力去撕開隻雞食嘅場景好好笑🤣，食落皮脆肉滑，都有雞味嘅，其實一蚊雞嚟講真係冇咩要求，但係係出乎意料之內地好食，反而叫咗其他小菜就一般啦😖朋友提議食完埋單再排隊食嘅話都好過食嗰啲小菜😂