稻香 (已結業)

和两个朋友一起来这家店，为了半价特地早起，大概九点多到的，需要排号但是没多久就被叫到了，上桌之后立刻落单，然而等了将近半小时才上餐，好在有朋友一起能聊聊天不觉得很难熬，个人推荐香麻叉烧酥，松软叉烧包，功夫小笼包，其他的也都可以。

要食一餐扺食火鍋，就一定要去酒樓食，尤其大集團經營，又何以食到比較多元化食物，而且又食得飽真係冇得輸，今期就去左呢度食火鍋先點湯底要左麻辣花膠雞煲食住先，轉頭先至食火鍋，先品嚐一下熱辣辣雞煲，味道濃郁帶點麻辣咁食至惹味就輪到火鍋時間，除左係紙上嘅嘢食外，仲可以係自助區攞其他火鍋配料，當然有埋醬料同飲品任飲先放左多款火鍋配料落鍋度，再落埋雪花肥牛同滑牛肉，就開始品嚐火鍋，先食件肥牛入囗肥美再食啖滑牛口感十足，再來食下其他丸類同餃子等美食已經食到肚飽最後唔少得食杯雪糕咁先滿足，一餐經濟實惠火鍋咁又食完。

常聽媽咪説稻香的$1雞非常美味，今晚終於有機會吃到啦！我們還點了海鮮大優惠孖寶D，包括清蒸東星斑仔，及濃湯花膠什菜煲，及咕嚕肉。$1雞皮脆肉嫩，烤得脆卜卜，每二人可點一隻，非常抵食。東星班火候控制得一樣得宜，不會蒸到過火。其他小菜也不錯，份量足味美，下次一定會再來吃飯。

今日同女友諗住試下傳說中既一蚊雞。原本諗住平日食，walk in都得啦。夜晚六點幾去旺角雅蘭果間，嘩！人山人海，排幾廿張枱先有。如是者即刻搵過第二間，上網搵到荷里活呢間，竟然可以用app排隊，仲要等兩張ONLY！正！即衝！一黎到就有位，仲要係窗口卡位，環境舒適。兩個人可以叫一隻一蚊雞，我地就係咁意再加多個雜菜煲，加個飯，都好夠食。隻雞出奇地正！講明即叫即燒，上枱熱辣辣，外皮脆到有聲，D肉好滑！完全唔係hea上！用交剪輕鬆剪開。個雜菜煲勁大煲！味道還好，ok啦。個飯係用碗蒸上，不錯。埋單140蚊。好滿足！

有朋自遠方來，帶他去旺角購物。行到晚上就一齊食晚飯囉。我這個朋友，他特別喜歡食小菜，但這裏找不到大排檔，不如去稻香酒樓。人也不算很多，打邊爐嗰邊多人啲，食小炒嗰邊反而坐得唔舒服。我們就點了四個小菜，有燒鵝，豆豉鯪魚油菜，生炒排骨和椒鹽魷魚。全部水準都很高。燒鵝肉很滑很香，椒鹽魷魚的鑊氣一流。整體來說約$500的消費真的很不錯。

🐥一蚊雞約咗成班friend喺旺角，但係諗唔到食乜嘢好，有人提議去稻香打邊爐就起行，一去到勁多人排隊，原來全世界都喺度食一蚊雞，根本都冇人打邊爐嘅，咁我地唯有都轉食一蚊雞啦😂 一蚊雞🐥聽就聽得多但係食都係第一次食~兩個人一隻雞，本身覺得一蚊雞都唔會畀啲乜嘢貨色你㗎喇，點知原來係一隻脆皮雞，兩個人合力去撕開隻雞食嘅場景好好笑🤣，食落皮脆肉滑，都有雞味嘅，其實一蚊雞嚟講真係冇咩要求，但係係出乎意料之內地好食，反而叫咗其他小菜就一般啦😖朋友提議食完埋單再排隊食嘅話都好過食嗰啲小菜😂

閑時跟家人吃個下午餐。為了寧靜些少，飲熱茶，選擇去了手滾茶靚。點了一個燒味飯，幾個點心。現在才40多個字，還有150字要寫出來，令我苦惱，我寫食評的原因為了寫多點更真實的食評。等了20分鐘左右，燒鵝叉燒飯來到了。白飯例牌煮到爛，無飯味。燒鵝肥到得皮，我跟待應反應，我記得餐單上無燒鵝皮的選項，待應換上另1碟燒鵝，腿肉多，但皮不香不脆，相片都看得出。我推介芋頭餅，好香。蟹籽蝦滑腸，餡都飛晒出嚟...無乜蝦味，好似食緊香腸粉。

很久沒去稻香，皆因点心食完好口渴，晚餐油鹽味料太多，看到現有是注明小鹽糖食肆希望已有改善。這個餐好抵食還是真的有十數條魚翅…只是不可對湯羹味道有要求食咗大半了！味道太濃了…海蜇頭好爽脆 可惜我爸爸話硬咗少少 荷香杞子雞配菌皇飯 真係超級差，上菜時有啲驚喜，因為咁抵嘅價錢都有啲大份仲係雞脾…賣相也不錯！味道呢…首先冇荷香，啲飯係有冬菇碎，估計可能用冬菇水煮飯…冇冬菇香味反而係Up味😫😫😫雞係白切雞…不過係超超超咸雞…跟本食不落口…整味菜都係敗筆雞紮用嘅唔係魚肚…竟然用豬皮還有菠蘿叉燒包，個包得一層皮，中間全是空心的，沒有义燒只有小小义燒醬，因為冇諗住寫食評所以我沒有影，只係越食越差，後期來的食物或食了一半才有影相，午市四人埋單三百幾，一啲都唔值

今晚又去雅蘭商場的稻香食飯因為今日有人生日 所以叫咗好多海鮮，有鮑魚，有炸蠔，又有雞，有魚， 有乳豬及龍蝦伊麵！我最喜歡，就是它的生蠔，它的生蠔很新鮮，脆漿做得非常之薄亦很脆，完全看出師傅的功力，當把生蠔放進口的時候一咬進去，生蠔裏面的juicy就走進出嚟，真的令人回味無窮;龍蝦伊麵， 側夠鮮甜，伊麵匆龍蝦配合得天衣無縫， 龍蝦亦非常之新鮮，鮮甜！講到我最喜歡的莫過於椒鹽鮑魚， 聽日食鮑魚通常都是蒸， 但呢度好特別有這個椒鹽鮑魚，令到我食到回味無窮，它不會太過熱氣，但亦都有椒鹽的風味 ，而且今晚亦都好抵食，有別於外出的昂貴海鮮餐，所以真的好希望下次再有人生日再來這兒食海鮮！

稻香的火鍋价钱不贵，而且生料都几新鲜，肥牛也算美味，尤其喜欢各种的丸类，挺弹牙又好味，是一家人吃饭的好选择。加上又有巨大帝皇蟹，好几斤一只，以上湯灼煮，一上枱大家都一d震撼，各人马上吃長長的蟹脚，肉质鲜嫩，有一种海鲜天然然甜味。不到半小时就把全隻吃掉。价钱合理，新鲜劏煮，肉货鲜嫩美味，果真有瞄頭！

老實講 我真係好後悔冇睇食評就去左呢間稻香食。話說今日出到旺角見平時打開邊爐嗰幾間都大排長龍就見到對面有間稻香 心諗未試過稻香 應該吾會好伏掛 始終都係集團式點知呢個決定 原來係錯一入到去已經人山人海 星期五晚都無可厚非 門口帶位嗰幾日一味係度嗌 一個傳一個咁叫人帶我地坐低 嗰位女士離遠指住張枱 叫我地自己行過去算啦 對於呢啲酒樓 本身都冇大期望 咁我地就講左係打邊爐 坐低左連枱布都冇人收 嗌幾次先有人木無表情咁收走枱布之後叫左個雞煲 再加左幾款火鍋配料 問女侍應個雞煲可吾可以少辣 佢只係掉低一句 冇架咼 整定晒架啦 結果等左三四個字 都未有個鍋上 講緊係個鍋都冇 但就上左肥牛，蝦，蜆同三至四碟既配料 諗住問人可吾可以跟一跟 一係就冇人 一係就當聽吾到 一啲就吾應吾理 仲要個個都係一路行一路講野 後尾叫做有個似係部長既男人行過 叫佢跟一跟 佢都叫做應下你 尚算客氣 Btw我冇諗過既雞煲原來都係等咁耐都算啦 等左半個鐘有多 仍然冇野上過 搵左兩個女侍應 都係吾應人 一係就不停話好多野做 下面又好多人 不停叫我地等 係要耐啲架啦呢下真係火都黎 佢23分黎左一次食物咁大把 到九點鐘再問 吾過

過年和家人一起去吃團年飯。點了不少菜。其中比較印象深刻的是咕嚕肉東升斑，長腳蟹和炸蠔。可能因為過年，東西來貨快，去貨也快。所以所有海鮮都很新鮮，十分好吃，十分鮮甜。人是多了些。

去到旺角搵食，成千上萬間餐廳，今日想食中餐，有臨近新年，到到都好多人，諗起呢間位於荷里活中心嘅稻香，以為應該冇乜人，結果都係事與願違等位都等左大半個鐘，食火鍋嘅入座得好快，食晚飯小菜嘅得好少枱，似乎呢間稻香想做火鍋多少少【餐牌】見有個特價餐牌，每個餸都唔錯，叫咗裏面嘅其中三個【跳舞雞】$78跳舞雞好得意嘅，原隻上枱，會派一個膠手套，俾你一舊一舊撕開佢，食落其實係一隻炸子雞，皮係脆嘅，肉都算鮮嫩，即燒即上枱，帶住手套初時都熱到撕唔開【雙皮醬蒸飛天班】$78又係名奇特，其實與一條，用咗麵醬同果皮去蒸，魚肉其實算嫩滑，果皮蒸嘅好處，係可以去除魚嘅腥味，$78算抵食【養生淮山胡椒雙肚煲】$88胡椒味唔重，配合豬肚同埋魚肚，仲有鮮雞件，仲有清淡嘅淮山，算係有菜有肉嘅一個餸。湯底配上一啲香芹，算有少少香味，呢部嘢勝在嘅係兩樣嘢，大煲同夠熱呢間稻香嘅食物算係中規中矩，冇驚喜但亦都唔難食。不過，環境方面，認真惡劣。枱同枱中間基本上無路可走，連傳菜都有難道，人手亦嚴重不足，想搵個侍應認真難仲有一個老毛病，呢度嘈到拆天，想舒舒服服靜靜地食一餐，呢度唔啱你啦

同一大班朋友去稻香飲茶，一開枱冇人問過我地飲咩茶就直接是但比左一壺我地，舉左手叫埋侍應都好似冇人理咁。叫完野食等左好耐先有得食，食物質素普通，點心類一般般，但個煎薄餅幾好食。

當日晏就年三十 早放工同朋友到旺角行花市行之前去飲茶1:35到 問店員有冇下午茶 佢話有 2點開始因為冇人 佢放我地入座但我到2點 下午茶時間 佢話要2點入座先叫以叫下午茶店員解釋得相當不耐煩服務態度極差 門口店員冇提醒差唔多新年冇同佢嘈 正價照食食物質素相當一般先黎個叉燒腸， 竟然係凍嘅 鳳爪炆得唔夠耐 依個係個人口味問題其他食物質素可以起碼係熱嘅 味道正常奶皇包幾好食 可以試下應該就唔會再黎希望佢地對客人友善d 食物水準亦侍提升