稻香 (蔚景園)

營業中

休息中

今年5月9日係母親節。由於唔想正日太逼人，所以就提前同母親大人嚟屋企附近食晚飯慶祝。母親大人留意到稻香做緊「一蚊雞」推廣活動，於是就提議嚟食啦！平日嘅夜晚六點嚟到，都幾乎全場爆滿。服務員安排我地入咗去廂房坐，但可能人手唔夠，所以經常都見唔到服務員，想點餐都要等一陣喇。我地點咗四人套餐，有蒸虎杉斑，有米網蟹鉗卷，有原盅汽鍋湯，裡面有鮑魚、原粒元貝、雞腳、幾粒冬瓜、一粒紅棗。仲可以自選兩款小菜，總共$698，茶芥加一另計。我地再額外點咗一份例牌乳豬，$158，只有10塊左右。我估燒味類一般都偏貴吧？加$1主角出場，原隻上，熱辣辣，雞肉嫰滑入味，好母親大人食得開心，大家都好開心啦！