八蠔吧 (已搬遷) 新店位置

其實我自己就無乜食開蠔，對蠔既認知可以話係bb班，食緊咩蠔都唔知😅 不過身邊有個朋友好中意食蠔，就同我講最近上環開左間蠔吧，有蠔王坐陣，所以我都跟埋佢去見識下！一去到，已經見到好多雜誌報章既採訪剪報，細問下先知原來蠔王John 係香港非常有名！咁店主首先介紹左佢地呢度主打法國蠔2號size！咁今日當天有3款蠔，我地就每款叫左4隻 哈哈！John建議由淡味食起，第一隻最好乜都唔好沾，食佢既原汁原味！第一款蠔叫 Poesie 乜都無沾既食落去，感受到海水味，但一d都唔猩，有點咸味，蠔肉爽！第二款蠔 Mauger 我就落左John 自家制既醬汁 帶點辣味，食落去出奇地夾，我都係第一次咁樣配搭！最三款蠔 Majestic 呢款我最中意，蠔肉肥美，加左少少檸檬同鹽已經好正！跟住我地就叫左小食，叫左個伊比利亞西班牙火腿搭配左蜜瓜，火腿口感油潤，蜜瓜非常鮮甜，中和返火腿 正！意粉我叫左卡邦尼意粉，creamy 既醬針 帶著香脆既煙肉粒好有口感，意粉煮得剛好 有咬口唔會過軟！我仲叫左個美國頂級腰眼牛排，牛肉叫左5成熟，剛剛好，食落去肉質好嫩滑 牛味十足，唔會un, 以佢地既配菜好新鮮 綠油油，加埋我最