一起食堂 (威利廣場)

營業中

休息中

有時食物，真係可以緩解一下思念之情。實在太耐冇去台灣，只要稍為看到關於當地的一切，心頭都會湧上一陣暖意。朋友告知係觀塘有間極有台灣feel的台灣菜，當然要去踩下場。來到「一起食堂」，眼前一亮，竟然是我喜歡的台灣日式風格，揀啱了時間，避過12:30至1:30最多人的時候，可以與朋友靜靜坐在一隅，不過很快又座無虛席，真的好彩。選了肉燥貢丸湯米粉＋鹽酥雞，朋友挑戰口水雞冷烏龍麵，再來個古早滷水併盤、肉燥燙青菜、蝦卷、白桃烏龍茶及芋圓燒仙草(熱)。夏天32度梗係食冷烏龍麵爽下，冷烏龍麵彈牙入口涼快， 口水雞以扎肉形式配冷烏龍麵有驚喜，咬落去啖啖肉夠充實，再加適中麻辣刺激味覺，配菜番薯仔少甜食完唔會滯，甜品微甜中和麻辣，食完碗底無油食極唔滯，非常適合夏天食。古早併盤，滷水入味唔會鹹，牛𦟌夠腍唔鬆散，豬耳滑滑好𡁻口，大細厚度夠回味，滷蛋入味唔會硬，雞翼更加好抵讚，滷香肉腍啖啖肉，食完一隻又一隻。肉燥貢丸湯米粉份量多，其實一個女仔，真係會食唔晒。肉燥用上半肥瘦肉，有誠意。鹽酥雞入晒味，台灣感覺立即有晒。蝦卷真係食唔停口，食完唔覺膩。台灣甜品最愛燒仙草，但我叫錯了熱，是一碗熱湯，應該凍會更好，看著仙草