影片
更多
2023-12-06
82 瀏覽
中菜黎講連鎖式嘅樂天王朝都算係我嘅不二之選，嘢食選擇多又好食，地點又多數開設喺大型商場入邊，非常就腳。菠蘿咕嚕肉最愛之選！因為大多數餐廳嘅咕嚕肉唔係粉太重，就係炸得太乾，但呢到嘅咕嚕肉色澤紅潤、酸酸甜甜，肉質鮮美多汁，超級好食呀！四川辣子雞丁呢個辣子雞丁啱啱炸起上碟，咬落極度香脆，酥香惹味，辣椒香辣娓娓道來，係非常正宗嘅四川口味！皇朝擔擔拉麵最怕食擔擔麵會有一浸鹼水味，但係呢一個擔擔麵完全食唔到有鹼水味，係屬於質感較腍嘅麵，但就係我最鍾意嘅味道，因為腍身嘅麵底可以更加掛湯，令芝麻醬和麻辣醬混合得更完美，加埋花生碎、芝麻等配料，添加口感，胃口大增！宮廷驢打滾甜品都係第一次食，佢係以糯米作皮，再捲入豆沙，表面放上黃豆粉而成嘅甜品，本身我對豆沙同埋黃豆興趣不大，但加埋糯米皮，竟然非常之有驚喜，難怪朋友大力推介啦！
菠蘿咕嚕肉
最愛之選！因為大多數餐廳嘅咕嚕肉唔係粉太重，就係炸得太乾，但呢到嘅咕嚕肉色澤紅潤、酸酸甜甜，肉質鮮美多汁，超級好食呀！
四川辣子雞丁
呢個辣子雞丁啱啱炸起上碟，咬落極度香脆，酥香惹味，辣椒香辣娓娓道來，係非常正宗嘅四川口味！
皇朝擔擔拉麵
最怕食擔擔麵會有一浸鹼水味，但係呢一個擔擔麵完全食唔到有鹼水味，係屬於質感較腍嘅麵，但就係我最鍾意嘅味道，因為腍身嘅麵底可以更加掛湯，令芝麻醬和麻辣醬混合得更完美，加埋花生碎、芝麻等配料，添加口感，胃口大增！
宮廷驢打滾
甜品都係第一次食，佢係以糯米作皮，再捲入豆沙，表面放上黃豆粉而成嘅甜品，本身我對豆沙同埋黃豆興趣不大，但加埋糯米皮，竟然非常之有驚喜，難怪朋友大力推介啦！
張貼
