甲天下正宗桂林米粉 (已搬遷) 新店位置

同朋友係旺角行街，但係人太多，又唔想係同人逼，所以就往旺角街市方向個邊行下，睇下有咩好食。朋友提議去食麵線，見到有間都多人食既小店就入去試下。餐廳細細地好有古代風味，全部木枱木椅，入面坐到十幾個人。有點餐紙係枱上面，簡左麵底，由$30至$48，可以再選配菜，$6-$18左右，。幾特別的是，會有撈麵，同理香港好少見既土豆粉。因為朋友請客，甘我就唔客氣甘點多少少，嘻嘻。點左個砂鍋土豆粉，再選左鹵蛋，單骨雞翼，豬頸肉，豬大腸。廚房因為得一個人關係，都等左10分鐘左右先上菜。湯底聞周食起來味道好特別，香港好少有，似平時番大陸食麵既味道，土豆粉外表好似烏冬，口感煙un，好滑口，湯底配菜好多，增加湯底味道層次。鹵蛋好入味，蛋黃唔會死實實，蛋白部份很入味，隻蛋吸左少少湯底，好正。雞翼就貴左少少，但都好入味，燒得剛剛好。豬頸肉係最好食配菜，食落唔會好肥，夠爽口，食到唔停口。豬大腸吸晒湯底，煮得好入味。