竹面譜

營業中

休息中

支持良心小店，今次嚟到太子嘅呢間餐廳，本身係食港式粉麵，但竟然有夢王和牛丼食，價錢仲非常親民添！一於試吓佢個花膠二人餐！ 鮑汁冬菇花膠米線燘得好夠火候，冬菇同花膠都入晒味。冬菇大隻飽滿，花膠腍得嚟有韌度，唔腥，處理的好好。 夢王和牛丼用可以生食嘅日本夢王蛋拌飯，蛋黃飽滿，蛋香勁濃郁，果然係日本人年度公投刺身蛋拌飯第一名！和牛片好肥美，肉質幼嫩。 脆炸鮮奶卷新鮮炸起熱辣辣，外脆內軟，少少甜，點埋煉奶味道更豐富。炸鯪魚球店長推介，又係新鮮炸起，鯪魚球彈牙，魚肉味香。蜆蚧醬起到提鮮嘅作用。 去濕茶餐廳有三款自家鮮製涼茶，今次試咗去濕茶，用雲苓、白朮、扁豆衣、南棗、澤瀉等材料煲成，清熱去濕。有機會可以試埋清心火同金銀菊花薏米。