Sol House Oyster Bar and Restaurant

happy Friday，放工嘅時候同同事去左公司附近嘅餐廳食飯休息！餐廳嘅裝修好靚好舒服，座位又大又舒適。我地可以舒舒服服咁係到傾偈食飯！☺️睇完menu之後，揀左以下幾樣食物！☑️烤8安士特級美國牛柳仔配大皇帝蝦🦐- 皇帝蝦肉質彈牙。味道鮮甜😋。口感同味道都一流！🐮牛柳足八安士，有濃郁嘅牛味，完全冇膻味！兩樣一齊食，真係超滿足！☑️烤原隻西班牙原隻墨魚配墨魚汁意大利飯，法式茄蓉🦑 - 意大利飯🍚嘅墨魚汁又香又濃，口感就煙煙韌韌。墨魚好大隻，🔪切開非常厚肉。墨魚味好重。我超like！☑️意式辣椒蒜片西班牙聖子意大利粉🍝 - 第一次食蟶子意粉🍝，呢個配搭好特別。意大利粉索哂聖子嘅味道，加埋🌶️辣椒同🧄蒜片一齊煮！惹味得黎冇覆蓋到蟶子原有嘅味道！👍🏻👍🏻☑️烤阿根庭紅蝦牛油果沙律配熱情果油醋汁🥗 - 沙律菜清脆爽口。🦐紅蝦新鮮彈牙，配合清新嘅🥑牛油果同🌴熱情果醋。味道酸酸甜甜，十分開胃！