影片
更多
2024-01-22
44 瀏覽
喺附近返工經常會嚟灣仔呢幾條街覓食，次次經過都見到呢間粉麵舖大排長龍。喺灣仔呢個美食雲集嘅地方競爭都幾大，所以見到排隊嘅地方大多數都證明嗰間餐廳有一定嘅水準。食粉面雖則平，但最唔鍾意就係座位逼夾同埋噏耷，依間一眼望落去就好明亮，而且座位嘅間距相對舒適，唔使坐到好似同隔離貼住咁，最緊要係佢啲嘢食真材實料味道又好，而且以咁平嘅價錢係灣仔食飯，食完覺得絕對係灣仔hidden gem 💎 切腩四寶撈麵第一次嚟到緊係想咩都可以試吓，所以就叫咗招牌切腩四寶撈麵，入邊包括最出名嘅崩沙腩，仲有雲吞，魚片，魚蛋同埋牛丸。呢度寫住佢哋嘅魚皮，魚蛋同埋魚片都係每日新鮮即炸，一食落去係真係食得出鮮味。雲吞大大粒充滿蝦香。撈麵一睇色水就知唔錯，撈得入味之餘又爽口，最重要係唔會有我最驚嘅一大陣鹼水味，係我食過咁多間粉麵嘅高水準之作。炆腩湯米粉除咗崩沙腩之外呢度仲有切腩，相比起崩沙腩，炆腩嘅調味比較濃郁，煮得入味之餘肉質比較淋同埋軟熟。湯米仲有炆得好淋嘅牛筋，腩汁湯底配埋麵館自家製嘅辣椒油，經典嘅配撘好食到冇得挑剔。淨清湯沙腩因為崩沙腩太好食，所以我哋決定追加多碗淨腩。呢碗真係超正，大大碗全部都係肉，崩沙腩肉質軟嫩
食粉面雖則平，但最唔鍾意就係座位逼夾同埋噏耷，依間一眼望落去就好明亮，而且座位嘅間距相對舒適，唔使坐到好似同隔離貼住咁，最緊要係佢啲嘢食真材實料味道又好，而且以咁平嘅價錢係灣仔食飯，食完覺得絕對係灣仔hidden gem 💎
切腩四寶撈麵
第一次嚟到緊係想咩都可以試吓，所以就叫咗招牌切腩四寶撈麵，入邊包括最出名嘅崩沙腩，仲有雲吞，魚片，魚蛋同埋牛丸。呢度寫住佢哋嘅魚皮，魚蛋同埋魚片都係每日新鮮即炸，一食落去係真係食得出鮮味。雲吞大大粒充滿蝦香。撈麵一睇色水就知唔錯，撈得入味之餘又爽口，最重要係唔會有我最驚嘅一大陣鹼水味，係我食過咁多間粉麵嘅高水準之作。
炆腩湯米粉
除咗崩沙腩之外呢度仲有切腩，相比起崩沙腩，炆腩嘅調味比較濃郁，煮得入味之餘肉質比較淋同埋軟熟。湯米仲有炆得好淋嘅牛筋，腩汁湯底配埋麵館自家製嘅辣椒油，經典嘅配撘好食到冇得挑剔。
淨清湯沙腩
因為崩沙腩太好食，所以我哋決定追加多碗淨腩。呢碗真係超正，大大碗全部都係肉，崩沙腩肉質軟嫩，而且上下都有少少筋位，兩種部位加埋一齊食完全將食過嘅其他肉類比下去。而且份量超級多，應該有成二三十嚿肉，而且每一舊都係正確嘅部位，唔會塞幾舊瘦牛腩墊底，淨湯湯底又鮮甜，食完超級滿足😋
張貼
