爵樂印度餐廳

營業中

休息中

放假帶媽咪食印度菜，去咗尖沙咀有50年歷史的米芝連餐廳，餐廳裝潢好有氣派，有調酒師製作雞尾酒，更有戶外位置，除咗食飯亦好適合happy hour 飲返杯chill下🍸🍹點左兩款餐前小食，牛油果芒果拌脆麵餅，係印度非常出名的街頭小食，以香脆外殼盛載新鮮牛油果、芒果，再加上紅石榴，口感豐富又清甜印度夾餅伴蟹肉，以餅皮包住滿瀉的蟹肉，超級鮮甜美味😍精選什錦燒烤好豐富，有鮫魚、羊肉卷、大蝦、雞，帶有炭燒風味，而且用上不同的印度香料醃製，好有特色。腰果奶油紅花忌廉雞，將無骨雞肉連同番紅花、腰果、忌廉、乳酪等一齊煮，雞肉嫩滑入味，堅果香同奶香相配，亦帶有番紅花獨有香氣。可以同蒜蓉烤餅一齊食，每一口都係豐富味道😍火焰炸鮮奶球，酒味濃郁，視覺效果一流，帶少許印度香料，味道獨特。