影片
更多
2024-08-25
391 瀏覽
長沙灣的西班牙菜小店，你一定唔可以錯過😃呢晚食完之後真係回味到依家！無論係食物定係服務都一流👍🏻職員哥哥好細心咁同我哋介紹今日嘅 Special Menu，我哋聽完已經想叫哂嚟食🙈好吸引～ 最後叫咗以下幾樣：Red Prawn Fideua 90g 🦐 西班牙紅蝦短麵西班牙炒飯就食得多，所以今次決定試個紅蝦，今晚仲要有90g ，大大隻，可以揀配飯或者短麵。因為未食過短麵，所以又試吓新嘢😋 哥哥幫我哋切開隻蝦同埋將蝦頭裏面嘅汁壓出來再同短麵撈勻，入口個蝦味精華好濃好出色🤤 短麵就似剪碎了的台灣麵線，好得意！食完都唔會覺得油膩。Panceta with Toast 🥓 西班牙醃製五花肉配多士西班牙五花切到好薄，望落好似煙肉。放上多士上面，再灑D芝士粉一齊食～本身塊肉都有啲鹹鹹地，所以呢個size啱啱好，而且有少少燒過，啲油香出咗嚟，配埋個脆硬適中嘅多士，真係好難忘😍Chorizo Tortilla 辣肉腸蛋餅本身都怕會好辣，但係個辣度啱啱好，入口有少少刺激感，好過癮！Broken Egg 壞蛋薯條🍟呢個以為好普通嘅一道菜，但係將個蛋整爛撈埋啲薯條一齊食，又出奇地夾！重點係個薯條唔會好油，乾
呢晚食完之後真係回味到依家！無論係食物定係服務都一流👍🏻
職員哥哥好細心咁同我哋介紹今日嘅 Special Menu，我哋聽完已經想叫哂嚟食🙈好吸引～ 最後叫咗以下幾樣：
Red Prawn Fideua 90g 🦐 西班牙紅蝦短麵西班牙炒飯就食得多，所以今次決定試個紅蝦，今晚仲要有90g ，大大隻，可以揀配飯或者短麵。因為未食過短麵，所以又試吓新嘢😋 哥哥幫我哋切開隻蝦同埋將蝦頭裏面嘅汁壓出來再同短麵撈勻，入口個蝦味精華好濃好出色🤤 短麵就似剪碎了的台灣麵線，好得意！食完都唔會覺得油膩。
Panceta with Toast 🥓 西班牙醃製五花肉配多士西班牙五花切到好薄，望落好似煙肉。放上多士上面，再灑D芝士粉一齊食～本身塊肉都有啲鹹鹹地，所以呢個size啱啱好，而且有少少燒過，啲油香出咗嚟，配埋個脆硬適中嘅多士，真係好難忘😍
Chorizo Tortilla 辣肉腸蛋餅本身都怕會好辣，但係個辣度啱啱好，入口有少少刺激感，好過癮！
Broken Egg 壞蛋薯條🍟呢個以為好普通嘅一道菜，但係將個蛋整爛撈埋啲薯條一齊食，又出奇地夾！重點係個薯條唔會好油，乾身得來又唔覺熱氣，好正啊😃
Pulpo a la Gallega 🐙 慢煮深海八爪魚八爪魚好鮮好甜，又彈牙👍🏻 個調味又唔會過鹹，啱啱好！個底襯托手打薯蓉，我呢個薯仔控鍾意到不得了😆
Churros 西班牙油炸鬼最後當然要食埋甜品🤤 西班牙菜的靈魂Churros, 朱古力醬好濃，churros又唔會太多糖，脆脆的入口唔會甜到漏☺️
SANGRIA🍹又係食西班牙菜必飲的，一杯都滿足唔到我倆了，要一carafe🤣
裏面座位唔多，所以一定要book位，唔係walk-in就可能食唔到了～
張貼
