影片
更多
2021-04-11
558 瀏覽
咁今日呢就約咗同朋友食一間本人十分喜愛而且恨食好耐嘅Omakase！鮨金❤️先唔講食咗啲咩先，我淨係想講食完呢一餐之後就定左目標比自己，希望每兩個月食一次，因為實在太難忘呀!先來個頭盤就係鴨胸加梅貝同埋好清爽嘅枝豆豆腐！可能我真係見識少，真係唔知要知道豆腐呢樣嘢，枝豆呢我就食唔少因為我真係好鍾意食，但係冇諗過同豆腐都融合係咁得意嘅！跟住就係左口魚捲拖羅，再加日本芽蔥，然後上面鋪少少我最鍾意食嘅馬糞海膽！大家唔好誤會，馬糞只係名，唔好亂諗嘢！我自己本身食日本菜就好鍾意食燒左口魚，左口魚捲拖羅呢個配搭呢真係幾奢華又享受！二成個組合捲埋日本芽蔥就唔會成口好油膩而且就會好清爽，拖羅肥美多油，配搭埋馬糞海膽入口即溶嘅感覺我都唔知打咩去形容好！然後刺身方面當然唔少得呢個深海池魚腩，池魚就食得多啦，深海池魚腩就真係少食啦，同一般池魚分別就係更加清甜，肉質彈牙唔會淋滋滋，都係好味！跟住落嚟就係最奢華嘅享受了！呢個龍蝦刺身加咗岩鹽，大家去食下就知道真係咩叫物超所值！龍蝦肉清甜肥美，肉質堅挺加咗岩鹽根本唔需要點任何豉油或者Wasabi，完全係最天然嘅食材配最天然嘅食法！跟住落嚟就係我哋季節限定嘅螢光魷魚，師
先唔講食咗啲咩先，我淨係想講食完呢一餐之後就定左目標比自己，希望每兩個月食一次，因為實在太難忘呀!
先來個頭盤就係鴨胸加梅貝同埋好清爽嘅枝豆豆腐！可能我真係見識少，真係唔知要知道豆腐呢樣嘢，枝豆呢我就食唔少因為我真係好鍾意食，但係冇諗過同豆腐都融合係咁得意嘅！
跟住就係左口魚捲拖羅，再加日本芽蔥，然後上面鋪少少我最鍾意食嘅馬糞海膽！大家唔好誤會，馬糞只係名，唔好亂諗嘢！我自己本身食日本菜就好鍾意食燒左口魚，左口魚捲拖羅呢個配搭呢真係幾奢華又享受！二成個組合捲埋日本芽蔥就唔會成口好油膩而且就會好清爽，拖羅肥美多油，配搭埋馬糞海膽入口即溶嘅感覺我都唔知打咩去形容好！
然後刺身方面當然唔少得呢個深海池魚腩，池魚就食得多啦，深海池魚腩就真係少食啦，同一般池魚分別就係更加清甜，肉質彈牙唔會淋滋滋，都係好味！
跟住落嚟就係最奢華嘅享受了！呢個龍蝦刺身加咗岩鹽，大家去食下就知道真係咩叫物超所值！龍蝦肉清甜肥美，肉質堅挺加咗岩鹽根本唔需要點任何豉油或者Wasabi，完全係最天然嘅食材配最天然嘅食法！
跟住落嚟就係我哋季節限定嘅螢光魷魚，師傅好用心咁為我哋準備咗生食，同埋燒熟來食！生食嘅螢光魷魚就會配少少蒜同埋豉油，記住呀呢個係季節限定，大家真係要細心品嚐，唔係時時有得食㗎！我個人來講就比較鍾意生食嘅螢光魷魚佢仲會配上一啲酸嘅麵豉汁，好特別得嚟又唔會腥，仲好好味，酸酸甜甜好過癮，食完唔知點解仲會食慾大增！
跟住落嚟就係食Sapporo響螺同埋燒吞拿魚下巴！相信大家食唔少少唔同魚嘅魚膠或者魚骨甚至乎魚頭，但食燒魚嘅下巴我相信大家都唔係成日見到！我就真係第一次試燒吞拿魚下巴，油分10分充足但係又唔會太過肥膩，魚肉仲要好多添，食完飲杯茶真係一大享受，師傅仲俾咗好大舊吞拿魚下巴我呀！！！如果覺得太肥膩嘅朋友可以加少少檸檬汁，我就鍾意原汁原味咁樣食，咁先食到最真實嘅味道！
Omakase食嘅嘢其真係多到你數唔曬，最怕你冇胃仔冇位再食！
跟住落嚟就係食平政魚加紫蘇葉同埋鹽水海膽，正呀又係海膽呀！平靜與我係第一次食，我第一次食覺得都唔錯，可能因為先前食得太多好正嘅嘢唔會覺得佢太突出，鍾意嘅朋友可以自己試吓！
跟住落嚟食呢樣野真係令我大開眼界，就係吞拿魚腦天（天靈蓋位），你冇睇錯我寫咩，的而且確係天靈蓋嘅位，再加埋岩鹽，魚子醬同埋Wasabi，唔知就咁睇你會有咩感受呢？天靈蓋位嘅口感好特別，你會食到唔同嘅texture,每一種都有佢嘅獨特之處，同埋入口即溶加少少岩鹽會冇咗嗰種血腥味，仲要再加埋魚子醬，嘩，總統套房咁樣嘅級數呀！
然後就係食熊本和牛，係和牛呀！！！肉質非常嫩，啲汁完全入曬味（無限心心眼），脂肪分布平均，其實食到呢度都已經飽到上心口，我絕對肯定大家係能夠滿載而歸。
未完㗎，未完㗎！仲有壽司呀！赤鯥魚，沙甸魚（微燒），吞拿魚醬油漬！最後仲有鮟康魚魚肝手卷，呢個係十分值得講，因為首先安康魚唔係周圍有得食，而且佢鮟康魚魚肝嘅味道唔係個個接受到，但我本人就好鍾意，因為師傅又會用酒去浸過啲魚肝令到成個鮟康魚如果冇晒血腥味而且仲保留去肥美嘅獨特味道放落手卷度食係一個好好嘅組合！最後仲飲埋碗臘魚魚湯，奶白色，甜到入心，食埋水果真係捧住個肚行返屋企！
張貼
