一起食堂 (威利廣場)

營業中

休息中

行完海濱搵嘢食，呢到都幾就腳。環境幾寬敞，幾多卡位。酥炸地瓜條闊身長條形嘅蕃薯條，外皮酥脆，內裡鬆軟，蕃薯甘甜，正到食唔停。烤台灣香腸就咁食外皮香脆，充滿肉汁，鹹香味足。地道重口味之選當然要夾埋蒜片一齊食，生蒜帶有微微辛口味夾埋豬肉味去油膩感，更加開胃。肉燥燙青菜滿滿肉燥同炸蒜，肉燥充滿好多肥而不膩嘅五花，Q彈口感，食落鬆軟味道豐富，令到個菜唔單調。吉列炸蠔外層香脆，內裡嘅蠔依然飽滿有汁。黑糖豬軟骨飯豬軟骨大大嚿，軟骨位非常甘香鬆化，黑糖嘅甜味濃郁。嫩滑溫泉蛋撈飯，流心蛋黃帶出嘅蛋香令個飯味道豐富。冷泡白桃烏龍茶白桃味香，茶味足，陣陣清香。愛玉荔枝綠茶荔枝味同甜度適中，配上愛玉有咬口，非常清新。