影片
更多
2024-08-09
440 瀏覽
今日放工咁啱喺附近，咁就一於去試吓啦。我哋已經六點幾就去到，不過入面已經好多人啦，所以想去嘅記住早啲等位啊。一坐低睇完Menu，就忍唔住叫咗個爆谷蝦先，因為見到隔籬枱嘅好似好吸引。等咗一陣就上枱啦，係新鮮乍起嘅，而且舊蝦好大嚿，配埋佢嘅醬汁真係好夾呀。我嘅主菜就嗌咗燒春雞窩夫，古唔到咁平嘅價錢佢隻燒春雞都幾大。而且食落雞肉好嫩滑，個皮又有少少脆，唔使點汁已經好好食呀。我朋友就叫咗煎牛扒配薯條，我見到個牛扒煎嘅時間啱啱好，叫咗五成熟就真係啱啱好五成熟。我試咗一舊，估唔到佢嘅牛扒拍得住出面專食牛扒嘅西餐，好重牛味，而且好香又係唔使點汁就食得。另外佢嘅薯條都炸得好脆，佢除咗主菜好食，啲配菜都好好食呀。另外我哋仲叫咗個炸雞翼，炸雞翼有成六隻，炸得好香脆，而且好肥美。我哋仲叫咗杯奶昔share，杯奶昔好大杯，但係飲落又唔會太膩，而且仲好解渴添，夏天一定要飲呀。本身我哋仲想叫甜品，但真係食得太飽啦，又有個藉口下次再嚟食啦。呢間餐廳性價比高，而且環境好好，啱晒一大班人嚟食或者黎拍拖啊。
一坐低睇完Menu，就忍唔住叫咗個爆谷蝦先，因為見到隔籬枱嘅好似好吸引。等咗一陣就上枱啦，係新鮮乍起嘅，而且舊蝦好大嚿，配埋佢嘅醬汁真係好夾呀。
我嘅主菜就嗌咗燒春雞窩夫，古唔到咁平嘅價錢佢隻燒春雞都幾大。而且食落雞肉好嫩滑，個皮又有少少脆，唔使點汁已經好好食呀。
我朋友就叫咗煎牛扒配薯條，我見到個牛扒煎嘅時間啱啱好，叫咗五成熟就真係啱啱好五成熟。
我試咗一舊，估唔到佢嘅牛扒拍得住出面專食牛扒嘅西餐，好重牛味，而且好香又係唔使點汁就食得。另外佢嘅薯條都炸得好脆，佢除咗主菜好食，啲配菜都好好食呀。
另外我哋仲叫咗個炸雞翼，炸雞翼有成六隻，炸得好香脆，而且好肥美。
我哋仲叫咗杯奶昔share，杯奶昔好大杯，但係飲落又唔會太膩，而且仲好解渴添，夏天一定要飲呀。
本身我哋仲想叫甜品，但真係食得太飽啦，又有個藉口下次再嚟食啦。呢間餐廳性價比高，而且環境好好，啱晒一大班人嚟食或者黎拍拖啊。
張貼
