望月軒

營業中

休息中

次次臨去澳門上船前都係食快餐， 但有時 早咗去碼頭時間又多 ，就想食番一盅兩件飲下茶。 今次 同屋企人過大海 ，就去咗信德碼頭的望月軒 ，一家大細食返幾件點心先至上船。望月軒喺信德碼頭同層最盡頭。 最正係酒樓食盡咗上環的海景景色， 可以一邊食點心一邊欣賞海景。 而且地方寬敞， 人多都唔會逼澀。野生松茸燒賣王餐廳最近賣緊茶樹菇同埋一系列嘅乾菌， 當然要叫返 籠野生松茸燒賣王。松茸菌肉肥厚， 具有香氣，而且加上松茸菌的燒賣，多了一份清幽的香氣，較蟹子燒賣更高級，味道甚為鮮美。瑤柱賽螃餃瑤柱賽螃蟹餃一客三件，賣相精緻，蝦肉勁大隻，爽口彈牙。而且餃皮做得適中， 不會過削，也不會太厚。蠔皇叉燒包叉燒肉燒得軟嫩多汁，老麵皮鬆軟綿拋,爆肚不漏餡。內餡蜜汁叉燒肉調配的甜鹹適中，兩者口感完美結合，吃上一個讓人深深著迷。鳳爪排骨飯即叫即蒸，飯蒸得夠乾夠挺身， 而排骨和鳳爪也沒有雪藏的味道。 白飯索盡了排骨的肉汁，味道一流，加豉油食簡直一絕。芒果布甸有香滑濃郁的奶味。 最重要係芒果粒勁多，酸甜清香，充滿香濃的芒果， 清新不膩。