影片
更多
2011-04-22
101 瀏覽
建建生日，我哋呢班鄉村喱出城去赤柱食西班牙餐。天氣寒冷但沿途景色好靚，令人感覺好舒服。訂枱講明要露台。我們一坐下，Waiter幚我們開暖爐。因為四周圍已用膠布圍住，再加埋暖爐，一啲都唔覺得寒冷，感覺好舒服。當時做緊信用卡優惠，可以用半價享用四人餐。所以專程嚟幫襯。我哋order咗套餐，仲叫咗一jar Sangria。Waiter哥哥好好人，提我哋一定要用指定信用卡埋單。未上菜之前，我哋拿出相機影盡四周靚景。Waiter哥哥好好人，主動問我哋駛唔駛影合照，緊係要啦！唔該晒！Sangria送上，好靚嘅jar，令我哋每人都同佢影咗張相，幾巴閉！黑毛豬伴蜜瓜，極品！好味！三文魚沙律，好多三文魚呀！賣相好靚嘅【花瓜】，入口即溶。Yummy yummy!蟹肉湯，夠濃味。落order嘅時候，Waiter哥哥問肉眼扒要幾成熟？易易話想要Well Done。我即刻扁咀。最後決定medium。易易食邊邊，因為邊邊近乎Well Done。各取各喜好，太完美啦！件肉眼扒好淋、好滑、好多汁、好好味呀！海鮮焗飯好夠味，啲蝦好大隻。易易食完之後仲砌番隻蝦出嚟，真無聊！甜品賣相好靚，其實大家都飽到差點兒食唔落。San
當時做緊信用卡優惠，可以用半價享用四人餐。所以專程嚟幫襯。我哋order咗套餐，仲叫咗一jar Sangria。Waiter哥哥好好人，提我哋一定要用指定信用卡埋單。
未上菜之前，我哋拿出相機影盡四周靚景。Waiter哥哥好好人，主動問我哋駛唔駛影合照，緊係要啦！唔該晒！
Sangria送上，好靚嘅jar，令我哋每人都同佢影咗張相，幾巴閉！
黑毛豬伴蜜瓜，極品！好味！
三文魚沙律，好多三文魚呀！
賣相好靚嘅【花瓜】，入口即溶。Yummy yummy!
蟹肉湯，夠濃味。
落order嘅時候，Waiter哥哥問肉眼扒要幾成熟？易易話想要Well Done。我即刻扁咀。最後決定medium。易易食邊邊，因為邊邊近乎Well Done。各取各喜好，太完美啦！件肉眼扒好淋、好滑、好多汁、好好味呀！
海鮮焗飯好夠味，啲蝦好大隻。
易易食完之後仲砌番隻蝦出嚟，真無聊！
甜品賣相好靚，其實大家都飽到差點兒食唔落。
Sangria飲到底，剩下來嘅生果，好甜。我食吓一粒，食吓又一粒，最後食晒。之後出事啦！原來啲生果吸收晒啲酒精，雖然甜，但會醉。結帳時，我醉到連單都睇唔到，簽單都手震。之後仲要好友參扶才可離開。
好開心好滿足嘅一餐生日飯。
鳴謝建建提供相片。
張貼
