路邊煱 (已結業)

同朋友7點幾放工，想搵個地方食晚飯，見今晚咁凍最好緊係都係打邊爐喇, 跟住我地就係openrice揾土瓜灣邊度有好食的邊爐打。之後我地就揾到呢間「路邊煱」，放好啲野我地就即刻諗住叫野，原來呢間野都幾特別，可以用成隻蟹黎做湯底。我地之後就叫左個花甲雜菌煲再加隻肉蟹，仲即刻叫左前菜同好多配料。前菜方面，我們點了個手拍青瓜同八味金磚豆腐，八味金磚豆腐個外皮炸得十分脆，但係內裡嘅豆腐依然十分嫩滑，非常特別，食完前菜，鍋底就上黎喇，果然係成隻蟹係個鍋入面，份量十分足料，蟹肉非常鮮甜而且蟹蓋入面有超多膏。配料方面覺得要讚既係香菇釀蝦滑，將佢放入湯滾幾分鐘就食得，質地爽而彈，而且蝦味好重，黎到呢度打邊爐絕對係必須要叫。炸豆卜釀魚肉本身係比較普通，放入鍋滾一滾熱就得，意想不到地好味，好香既感覺。各式的丸比預期爽，不會太林同粉，份量也不少，另外鵝腸又係滾一滾就得，佢縮一縮便變得爽口，好鮮味好甜。最後肥牛不太薄，滾一滾好香牛味，好鮮。 食到尾聲，我地仲特別點了豬肉薄切，煮完食落口唔會好老，而且好爽口，今晚我地由7點幾坐到10點，又可以睇住電視黎打邊爐，真心超級正!