影片
更多
2023-11-09
206 瀏覽
因為喺網上見到呢間越南食店有好多好評，所以今日就同家人嚟咗呢度試吓。入到去見到裝修都幾好，環境唔錯，坐得幾舒服。坐低後，我同家人叫咗四款食品，包括1) 招牌金邊粉 (2) 炸豬肉春卷配檸檬扎肉湯檬 (3) 順化豬肉串撈檬 (4) 脆米紙薄餅 食物嘅賣相都幾吸引，尤其招牌金邊粉嘅料都好足。但可能自己期望太高，覺得金邊粉、炸豬肉春卷配檸檬扎肉湯同順化豬肉串撈檬嘅味道都只能算係一般。家裡人係長者，唔太食得酸嘅嘢，但餐廳喺金邊粉同湯檬入面都加咗添青檸，食落去湯底有酸味，對有啲人嚟講，可能會覺得好解膩，但對長者就唔太合口味。唔知道餐廳係唔係主打年青人市場，但如果想照顧埋長者嘅話，個人建議餐廳可以考慮將青檸另放。係四款食品入面，我最鍾意嘅就係脆米紙薄餅，呢款食品好新穎，而且味道都好好。但我都有啲小建議想提，呢款薄餅如果大家想分享食，就會覺得有啲唔方便，因為薄餅嘅底好鬆脆，切開嗰陣就容易散。再者，薄餅上嘅食材同底部唔黐實，所以食材同薄餅底好容易分開。我覺得如果可以將食材固定喺薄餅上面，可以一齊食落去，味道會更好。我食緊嗰陣，就諗緊如果可以將一大塊嘅薄餅，分成四小塊，每一小塊都有各自嘅食材，咁樣就可以
(1) 招牌金邊粉
(2) 炸豬肉春卷配檸檬扎肉湯檬
(3) 順化豬肉串撈檬
(4) 脆米紙薄餅
食物嘅賣相都幾吸引，尤其招牌金邊粉嘅料都好足。但可能自己期望太高，覺得金邊粉、炸豬肉春卷配檸檬扎肉湯同順化豬肉串撈檬嘅味道都只能算係一般。
家裡人係長者，唔太食得酸嘅嘢，但餐廳喺金邊粉同湯檬入面都加咗添青檸，食落去湯底有酸味，對有啲人嚟講，可能會覺得好解膩，但對長者就唔太合口味。唔知道餐廳係唔係主打年青人市場，但如果想照顧埋長者嘅話，個人建議餐廳可以考慮將青檸另放。
係四款食品入面，我最鍾意嘅就係脆米紙薄餅，呢款食品好新穎，而且味道都好好。但我都有啲小建議想提，呢款薄餅如果大家想分享食，就會覺得有啲唔方便，因為薄餅嘅底好鬆脆，切開嗰陣就容易散。再者，薄餅上嘅食材同底部唔黐實，所以食材同薄餅底好容易分開。我覺得如果可以將食材固定喺薄餅上面，可以一齊食落去，味道會更好。我食緊嗰陣，就諗緊如果可以將一大塊嘅薄餅，分成四小塊，每一小塊都有各自嘅食材，咁樣就可以一口食落去，會唔會更好呢？不過純粹係個人諗法嚟，整體嚟講，我覺得脆米紙薄餅嘅味道都算好。
另外，我都想讚下餐廳嘅服務員，佢哋好細心，見到有陽光曬到客人，就好快咁將窗簾放落嚟。
總結一下，招牌金邊粉、檸檬扎肉湯、同撈檬都係料足，但可能我自己期望過高，覺得味道可以再提升。不過有啲食物都幾有創意，對於想試新口味嘅年青人嚟講，都值得一試。
張貼
