阿詩瑪

營業中

休息中

平日晚上7點太古城唔多人，呢間雲南餐廳就更少人，全餐廳連我哋得3檯，但睇睇餐牌二人餐$198好合理喎，我哋4個人點兩套剛剛好🥢涼拌海蜇：清爽爽口🥢金獎白肉：唔辣，蒜味唔夠🥢腐皮浸時蔬：清清地幾好食🥢麻婆豆腐：豆腐好滑好餸飯🥢櫻花蝦蟹肉炒飯$98: 因為麻婆豆腐我哋話要飯，店家話不如炒個飯，炒得夠乾身又幾香😋🥢蕃茄粒粒米線：蕃茄味夠濃，不是水汪汪那種。🥢過橋米線：上檯前睇得吓㗎，十小碟加大碗米線，個湯香濃無味精，係唔夠熱啫；啲菇菌類都好香。最後仲有2款糖水，幾好食，不過唔記得拍照😅。總括餐廳係唔錯嘅，輸在位置，非原區居民好少行過來食。