隱町 (花園街) (已搬遷) 新店位置

大概個零月前第一次walk in去，係巷仔入面但燈光火著唔算難搵（泰國菜館轉入去），飲清酒為主，地方細得十個位左右，食物選擇亦不多，但食物同酒味道都好好，推介和牛，豆腐，蠔；酒係好用心問你想飲乜，又比你揀杯，當日經驗係比四粒星。缺點是因為地方細，所以以比到錢的包場客同熟客為主，但又唔係包全晚，又唔肯係fb公告，如果唔包場又同老細唔熟，臨時walk in就要睇運，今晚傍晚msg問佢有無位，可以改幾次答案，比我感覺佢經營壓力好大，好在乎當日要做到最多的生意額，D資訊鬼鬼竄竄就係為咗可以走盞。櫃上酒款大部分只作裝飾，同包場booking一樣又係唔列出來，只有老闆自己知當日有咩飲，但選擇可以信賴，唔會劏客。如果你卜到位佢又唔臨時比人包場，你會得到好好的服務同食物美酒體驗；但管理透明度真係有待加強，如果你唔想訂位食餐飯都要好忐忑不安個位會唔會無咗，又無錢包場，呢度唔岩你。