蜀府川鍋 (已結業)

俗稱『重口味」的川菜，重慶菜等，通通都是我近10年來的最愛。以前要食呢D正野要北上到深圳食，近呢幾年可能因為越來越多大陸人來港旅遊及定居，熱門菜色如酸辣粉、水煮魚、雞煲等連大家樂／大快活都有得食，但真係令我過足口癮的，真係唔係好多間。今次約左個車友FRIEND，揸車入油塘一間叫蜀府川鍋嘅餐廳。附近好易揾琴咪表位，行幾步就到了～逋進店就見到幾缸海鮮，睇落D野都唔錯，好生猛睇睇個MENU，大鑊！未見過一間野有咁多選擇，仲要大部份都係我超鐘意食的。我地得兩個人。。真係唔知點算，不過價錢唔貴，受不住誘惑叫左都幾多野。第一味是尖椒重慶皮蛋，辣辣地，不是好辣，d 尖椒絕對不會辣到食唔到。個皮蛋超香滑呀，糖心架！真係唔知點解皮蛋都可以整到咁好食～其實唔點醬都已經好好食～必點！！！！！不得不點的仲有拍青瓜，一睇就知好刀工！至於我成日食的蒜泥白肉呢，呢度就不多蒜，個人覺得美中不足，但是也調味調得很好吃，中間夾了3條青瓜條，帶清新感覺，是心機之作～店內見到有張蟹粥POSTER好吸引，叫左一鍋～原來好大鍋架～兩個人食唔哂，但係好鮮味，不是味精果隻味，是新鮮蟹同大蜆的鮮味～隻蟹唔係平時煲粥果D水蟹，係啖啖肉的