魂 (已搬遷) 新店位置

第一個食評識寫一定係同魂寫！第一次食係食青龍，本身冇期望，菠菜汁拉麵，有啲難想像，但女侍應推介，侭管一試！菠菜汁完美同豬骨湯融合，比一蘭既湯底更清甜，又冇別天神湯底奶味重到以為自己飲緊奶。早排再去食，叫左火魂。辣椒絲同叉燒同中間既三文魚簡直絕配！！塊叉燒好tender，食過最好味既！睇返食評，好多人嫌火魂唔夠番茄味又唔夠辣，計我話，家下係食緊拉麵唔係茶餐廳米線，唔應該反客為主，比蕃茄味蓋過豬骨湯味，又唔係個個都食得辣，一樣餸難養百樣人，我就食過2款後一路心思思想試埋原味同墨魚汁味，$98係高價左啲，但物超所值！