泰麵膳 (已結業)

愛好泰國菜既我，除左一年去幾次泰國之外，係香港間唔中都尋找美味有驚喜既泰國菜，今次同友人去依間專食船麵既餐廳，聽就聽得多，食就真係第一次，原來依間船麵餐廳已開兩家分店，黎左依間尖沙咀店食晚飯安格斯牛肉船麵 今次係我第一次食船麵，湯底非常深色濃郁，面頭有數塊安格斯牛肉，以為湯味道會鹹，點知飲落比想像中無咁鹹，仲帶少許甜味同香料味，係第一次食到既味道，好特別。半生熟牛肉爽口有咬勁，肉味幾濃，麵底用左來自泰國入口金邊粉，質感剔透煙韌，比起平時係香港食到既金邊粉優勝得多，同埋一送到黎一定要趁熱食，如果唔係碗粉會索哂湯，發漲就無咁好食啦泰式酸辣無骨鳳爪夠哂酸同辣，愈食愈辣好過癮，口感適中又唔會過份軟身，咬落好爽脆泰式豬肉生菜包一食就覺得同泰國食到既味道好相似，生菜包住豬肉碎咁一啖咬好正，咬時仲有肉汁湧出，夾雜左香料味道更加開胃炸蝦蛋賣相係普通蝦餅樣，但內藏餐廳自製惹味饀料，蝦球一分為四，炸得非常香脆，咬落口感好彈牙，蝦味亦好香濃，而自家製饀料入面有蒜、豬肉碎、花生等材料，味道濃郁得黎帶甜辣，係邪惡炸物之選，不防一試