富喜飯店

營業中

休息中

喜歡咬野既我，除在吃一些特式食物外，也愛吃一些別人話好吃的地方，但其實我個人都比較麻甩，一般麻甩喜歡吃的如豆腐火腩反涼瓜排骨反番茄牛肉反炒底.........等等，我也喜歡的，那天晚一條友去完鴨記行在個轉，冇乜收獲，行到去荔枝角道，看見間飯店都幾麻甩，所以入去試試看。進入去後，即幾乾淨整潔，牆上寫著生滾湯專門店，又話不含味精品質保證（我心諗含吾含我吾知咩）。$28三肉一菜，一碟飯。好即管試下！叫咸豬骨豬潤雞肉潺菜。一試個湯，好夠熱，咸豬骨夠香，好飲，加上D豬潤味(不過有些鞋)一流。最蠢係叫了雞肉，如叫豆腐或咸蛋更好，又有油指天椒供認。一口熱湯，一口白飯，再加上潺菜點指天椒豉油，即刻有種溫馨的感覺回來，好有家庭FEEL。呢D情況只有我們麻甩最明白。只於含吾含味精，因我叫了咸豬骨，所以很難說，不過有都OK啦，起碼不用飲水解渴。在這情境，不其然諗起媽媽，也腦海中浮起首歌 "ma ma I love you"。那晚用了$28有一個好有麻甩FEEL，又有住家FEEL，又有MAMA FEEL，一飯三FEEL。滿足滿足滿足。