蠔灣 (已搬遷) 新店位置

呢個品味拼盤真的好食，每一件海鮮都好fresh。主打生蠔係本人喜歡嘅海水味重口味，蠔肉飽滿。除此之外，龍蝦，帶子，海膽同法國熟蝦質素都相當好，龍蝦極彈牙，而且蝦膏好清甜，帶子同熟蝦都好甜，海膽完全無腥同電油味，一個拼盤有咁多款海鮮，而且樣樣都新鮮就認真唔錯。另外再叫咗一個龍蝦意粉，汁醬方面相當夠味，黑椒同忌廉味道平均而且好濃郁，意粉都彈牙，不過龍蝦就完全唔得，好霉而且一放入口就溶曬，明明海鮮拼盤嘅龍蝦好好食，反而意粉嘅龍蝦就唔得，呢方面就有點兒失望了。