鮨金和食料理 (已結業)

呢幾日日日都喺屋企，今日終於約到一個好朋友食晚飯兼傾吓計。去返我哋一致認為不錯的日本餐廳，今次我揀了一個中價的廚師發板套餐。前菜不錯，幾開胃！用火槍燒過嘅白子同螢光魷魚好好食，蟹肉蒸蛋好滑好鮮！幾款刺身各有特色，完全沒有半點腥味。海膽無敵勁鮮甜，當然即撈即拆北海道毛蟹蟹肉直頭好味到不得了，又彈下又爽。蕃茄竟然好好味，外脆內甜，一啲都唔似平時食嘅蕃茄。個湯保持水準，雪糕一定要揀咖啡或蘋果味，喜出望外。食完真係勁飽，心靈上也十分滿足！