餃餃餃子 (已結業)

環境裝潢都幾別緻，有種日本啲居酒屋既感覺我地嗌咗Chao Chao餃子（2排 ）餃子4種盛合（入面有puri puri海老餃子、Mochi mochi 蘑菇餃子日本京都九条蔥餃子、椰菜豚肉餃子）每款兩隻仲有明太子薯仔餃子棒日式牛筋豆腐煮咁啱撞正happy hour，Asahi啤酒買一送一啲餃子都ok，最出色係海老餃子。至於明太子薯仔餃子棒，薯仔嘅質感加入餃子入面，令成個口感好特別，不過明太子味可以重d。最後係牛筋豆腐煮，熱辣辣嘅牛筋、豆腐、蒟蒻加上辣汁，配搭好出色，開胃醒神。值得一讚嘅係店員啲服務態度真係好好，會好有耐心咁介紹每款餃子同邊一款醬汁夾埋食係最好。