鮨燐

營業中

休息中

靚女舞伴牛一，深知佢鍾情日本菜，XO仔就好有心地揀咗間新店「鮨燐」為佢賀壽，順便一同慶祝七夕情人節。店子合共兩層高，每層均有一個壽司吧，以高高嘅厚墊吧位圍繞著師傅嘅大舞台，光線充裕，貴客絕對可大飽眼福。據悉，因店內並冇任何廂房，熟客大多都會包咗上層作開P之用，熱鬧嘅同時又夠私人空間。小店並無花巧嘅裝潢，一邊牆身擺出多瓶日本清酒。其餘就只見彩色嘅招財擺設及店名嘅一幅字畫，簡潔大方。晚市餐牌只有一頁之多，分別為三款價格不同嘅廚師發辦套餐。壽星女最愛食飯，所以唔洗多諗就點咗第一款全為壽司嘅$1,180晚餐。（有一點有少少奇怪嘅就係落單時只能用價錢指出所選之項目，其實如果餐廳可以為套餐改返個名係咪會更方便呢？！）飲品餐牌則共有兩頁。無奈美女當日下午剛剛酒醒，晚餐連啤酒都唔肯飲，搞到細佬都只好成晚陪飲茶，反而咁樣可以睇得出姐姐仔如何細心體貼，因二人嘅茶杯整晚確真常滿，每次飲完好快就會添返，讚！壽司套餐先以兩款「先付」作序。第一道汁煮白梅貝煙煙韌韌，十分清香，近尾部嘅位置原來係其味道更鮮濃嘅肝臟。第二味前菜胡麻豆角雖然濕濕地，但咬落爽脆惹味。嘻嘻，可能小肥樣子可愛啦，又或者得知女伴生日，估計都係後