影片
更多
2018-02-05
798 瀏覽
唔知係唔係賴生好彩既關係，係屈小姐唔開心既時候，居然發現屈小姐心中最Top既雞蛋仔舖頭居然係上環開左分店，仲要只係同我地既Dinner 地點只有數步之遙！係女朋友唔開心既時候，好味甜品出現就好似Dickson見到雙彩虹一樣，可遇不可求！好明顯今次連耶和華都企係賴生呢邊！而呢牌七彩既招牌就幫左賴生一個超大大大大大既忙啦!當一有新舖開張，而且係有名氣既雞蛋仔舖 -<<媽咪雞蛋仔>>，門外當然有長長既人龍，條人龍排到出馬路呀身為一個稱職既男朋友，當然要行係屈小姐前面開路，埋去睇下食咩兼落Order啦一大塊既餐牌就貼正係開放式廚房既正下方，收銀既右下角，大大塊，好容易睇，（不過都要逼入人群中），屈小姐埋到去，心情豁然開朗，就好開心咁問賴生食咩味好？初初屈小姐問賴生叫期間限定既蕃薯雞蛋仔丫，抹茶紅豆雞蛋仔定抹茶粒粒朱古力雞蛋仔呢？其實賴生一聽就聽得出屈小姐係想食朱古力味啦，雖然賴生唔好朱古力，但屈小姐至愛黎嫁麻！加上朱古力食完會令人開心，一定係叫抹茶朱古力啦！雖然賴生係比較想食抹茶紅豆，但一段細水長流既愛情係必需要2個人既磨合，世界上冇2個完全相同既人，即使係雙胞
當一有新舖開張，而且係有名氣既雞蛋仔舖 -<<媽咪雞蛋仔>>，門外當然有長長既人龍，條人龍排到出馬路呀
身為一個稱職既男朋友，當然要行係屈小姐前面開路，埋去睇下食咩兼落Order啦
一大塊既餐牌就貼正係開放式廚房既正下方，收銀既右下角，大大塊，好容易睇，（不過都要逼入人群中），屈小姐埋到去，心情豁然開朗，就好開心咁問賴生食咩味好？初初屈小姐問賴生叫期間限定既蕃薯雞蛋仔丫，抹茶紅豆雞蛋仔定抹茶粒粒朱古力雞蛋仔呢？
其實賴生一聽就聽得出屈小姐係想食朱古力味啦，雖然賴生唔好朱古力，但屈小姐至愛黎嫁麻！加上朱古力食完會令人開心，一定係叫抹茶朱古力啦！雖然賴生係比較想食抹茶紅豆，但一段細水長流既愛情係必需要2個人既磨合，世界上冇2個完全相同既人，即使係雙胞胎，2個人既性格同喜好都唔會完全一樣，更何況我地一個姓賴一個姓屈呢?? 所以適當既互相遷就係一定要既，但都唔可以就到冇左自己，太極端都流唔到落去嫁，所以賴生今次就作出讓步，味道上我地揀左我地2個人都鍾意既抹茶，再配搭屈小姐至愛既朱古力，就搵到呢塊Perfect既抹茶朱古力雞蛋仔
之但係咁多人排緊隊，賴生都心知可能要等下嫁喇......落左order，店員話要等20分鐘呀，咁我地唯有用我地熾熱又真摯既眼神隔住塊玻璃望入去，靜靜地等待啦!!
點知一望入去，賴生就發現左呢間雞蛋仔好食既秘密啦!!就係呢位廚師強而有力既臂彎，一定係好味既關鍵，一定係，除非唔係!!! 睇黎賴生都要練番一條強壯既手臂先得啦
抹茶朱古力雞蛋仔
$25
110 瀏覽
0 讚好
0 留言
1) 抹茶朱古力雞蛋仔 :爆5⭐️
首先，等賴生講一講呢塊完美既雞蛋仔既製作過程，根據賴先生既目測，先去收銀台交低＄25蚊學費，之後就有位女店員準備粉漿，加入抹茶粉加朱古力粒攪拌，攪拌完畢之後，就交左圖中呢位擁有強勁臂彎既師傳，師傳係燒紅左個模之後，就會加入預先攪拌好既抹茶朱古力粒粉漿，跟住就係重點啦: 用一條強而有力既臂彎用力閂蓋，就用刀批走係側面漏出黎既漿。等幾分鐘之後，拋鍋反一次，再等幾分鐘，將條強而有力既臂彎轉去陰力mode，慢慢拎番塊雞蛋仔出黎，放係風扇度都吹一吹，就會交到係你手上。
至於點解佢會係屈小姐心入面既Top 1 雞蛋仔呢?? 係口感同味道既發揮到極致!!
味道方面: 未食之前，佢已經有陣陣雞蛋香同抹茶香，食落除左有雞蛋既蛋香味外，外表既綠色唔係流逝於表面，係有超濃既抹茶味道同回甘呢!! 加入左朱古力粒之後，你食食下除左食到抹茶味之外，仲會偶而之間食到朱古力既甜味同甘味，一塊既價錢，三重味道既享受，難怪屈小姐會愛上
口感方面: 其實口感先係佢最驚艷既地方，佢不但做到外脆內軟既口感，脆既程度仲要分幾級，每粒雞蛋仔同雞蛋仔之間既邊係極度脆!! 佢脆既等級就係一粒雞蛋仔既中心點，由內而外，一級、二級、三級、四級達到邊位最脆既五級呀!! 真係爆爆爆爆爆脆呢!! 再厲害既一點係，佢既火侯控制除左做到外脆內軟外，佢連入面既朱古力粒都烘到半溶狀態，形成流心效果.....令平時優雅既屈小姐都不禁食到變左污糟貓咁...
真心而言，食雞蛋仔真係好難唔揀呢一間食....
#賴生真係好好好好彩
#唔開心要食甜品是常識吧
#女朋友就是要用來寵愛的
#減肥是什麼
#妳食甜品既笑容也是讓我著迷的原因
#謝謝妳的包容和體諒
題外話/補充資料：
開到夜晚9點嫁咋!
(以上食評乃用戶個人意見 , 並不代表OpenRice之觀點。)
張貼
