瀛豐放題料理專門店 (已搬遷) 新店位置

今日約咗三五知己，五點就去咗銅鑼灣灜豐食放題，上openrice知道佢哋啲刺身拼盤都好靚喎同埋款式都好多，又有泰國生蝦同埋泰國小炒，當然各式各樣日本小食、刺身、壽司等等都一定有，串燒、燒物、天婦羅等等應有盡有。一開始一人一盎燉湯，入面有蟲草花、老雞、瘦肉、乾瑤柱同杞子等等材料，講真個湯真係好鮮甜。跟住我哋叫咗升級版放題，第一時間點咗海膽火焰帶子。嘩！呢個真係要必食，出面嘅帶子又肥大又厚夾住超新鮮嘅海膽，真係必食之選。當然我哋亦點左法國皇家生蠔，隻隻都好新鮮而且好有海洋味道，我一個人都食咗一打。跟住就係刺身拼盤上場，先講赤蝦刺身，真係大到好過份，而三文魚腩又係超新鮮好味，魚油分佈平均 ，其他刺身有象拔蚌、希靈魚、螺片、鮑片、油甘魚、赤貝、北寄貝真係每一樣都好新鮮，另外飲品亦都好多選擇，亦都有啤酒畀人飲，而甜品亦都有不同款式，有韓國雪糕雪條任君選擇添！總括食物質素， 致上係平均水準之上，而服務亦都非常到位，會不停有人幫你攞走食完嘢嘅碟，你點嘅食物都上齊畀你，而且每位員工都好有禮貌。抵讚！