Urban United Burger & Bar (已結業)

平日放工最想就係可以搵番班fd 食下好野, 吹下水咁。呢間餐廳專食巨型漢堡包同飲手工啤, 今次有機會梗係要試一試佢既真味喇。食正餐之前食番個沙律先。呢個泰式鮮蝦沙律酸酸地又有少少辣，味道好正好開胃。食完之後即刻有哂胃口食主菜。BTW 如果少番D 泰式辣醬會更好。食完沙律，係時候食大大個Burger 喇! 呢個阿拉斯加特大魚堡條魚柳超大，大到個包都裝唔哂，真係未食都已經嘩左一聲。成舊魚柳都好鬆脆，魚柳肉質感好軟滑，配埋沙律醬根本就係最佳配搭。如果平時D 西式快餐店有呢到一半質素就好喇。食到一半諗下飲咩好? 呢到手工啤好似幾好架喎。睇番menu 而家都有6, 7 款手工啤可以揀。店主話呢幾款都有D 攞過獎既。咁款手工啤你會揀邊款? 我就揀左齊天大聖喇。大聖哥係比較Dry 既酒, after taste唔會好長。呢隻酒 有少量蜜味同花香, 算係濃淡度中規中矩既啤酒。飲完之後會有種好開胃既感覺，建議早少少嗌定飲住黎等野食黎。