影片
更多
2010-11-24
13 瀏覽
同師妹攪掂左部蘋果電話後, 之後就去左老尖逛街, 不經不覺就行到晚上九點幾, 於是又係時候醫肚; 師妹忽然間話要黎呢間食店, 師傅當然冇問題啦, 皆因心思思想黎左好耐, 奈何唔係撞唔啱時間就係冇人陪, 而今次師傅終於可以大開食戒喇!呢間食店嘅價錢其實都幾貴, 所以揀選食物時師傅都要特別小心, 盡量食得化算d; 相反師妹好似諗都唔使諗就已經同師傅講要磨菇漢堡餐, 將薯條改為炸洋蔥圈; 至於師傅就決定要燒牛肉漢堡, 本來想要個餐, 將餐飲改為奶昔, 皆因記得好友食家"乜都放入窿"講過呢度嘅奶昔係好掂, 所以師傅就一定要試, 但咁樣改一改都要加成廿幾蚊, 似乎唔多化算, 於是師傅索性柯打一個燒牛肉漢堡, 一杯藍莓奶昔再加碗雜菜湯!落完單返埋位度等叫number, 大約等左五分鐘就可以捧個餐埋位喇! 見到咁美味嘅食物已經叫師傅心花怒放, 於是第一時間就試下好友食家"乜都放入窿"力推嘅奶昔, 藍莓奶昔唔算十分冰凍, 但絕對夠凍, 所以奶昔唔會實的的, 反而係入口香滑, 又唔會太稀, 加上口感豐富, 藍莓味亦唔會過份濃, 真係好正, 好友食家"乜都放入窿"果然冇介紹錯!至於漢堡方面就十分有心思,
呢間食店嘅價錢其實都幾貴, 所以揀選食物時師傅都要特別小心, 盡量食得化算d; 相反師妹好似諗都唔使諗就已經同師傅講要磨菇漢堡餐, 將薯條改為炸洋蔥圈; 至於師傅就決定要燒牛肉漢堡, 本來想要個餐, 將餐飲改為奶昔, 皆因記得好友食家"乜都放入窿"講過呢度嘅奶昔係好掂, 所以師傅就一定要試, 但咁樣改一改都要加成廿幾蚊, 似乎唔多化算, 於是師傅索性柯打一個燒牛肉漢堡, 一杯藍莓奶昔再加碗雜菜湯!
落完單返埋位度等叫number, 大約等左五分鐘就可以捧個餐埋位喇! 見到咁美味嘅食物已經叫師傅心花怒放, 於是第一時間就試下好友食家"乜都放入窿"力推嘅奶昔, 藍莓奶昔唔算十分冰凍, 但絕對夠凍, 所以奶昔唔會實的的, 反而係入口香滑, 又唔會太稀, 加上口感豐富, 藍莓味亦唔會過份濃, 真係好正, 好友食家"乜都放入窿"果然冇介紹錯!
至於漢堡方面就十分有心思, 皆因一打開個包就會見到一片又薄又長嘅青瓜, 如果唔食青瓜的可以比朋友或者掉左佢, 絕對唔使驚放左入口後要吐番出黎, 呢個構思真係值得一讚; 師傅就鍾意食青瓜, 所以當然係要放入個燒牛肉漢堡裡面啦, 包身又大又厚, 第一口咬落下發覺包身鬆軟, 牛肉除左燒得香之外亦非常鬆身, 加上十分香酥, 勁有牛肉味, 再咬多啖發覺牛肉仲好厚身, 啖啖都係牛肉, 同埋醬料唔多, 所以絕不覺得膩, 師傅非常欣賞, 絕對係嗜牛者嘅必食之選!
於磨菇漢堡師傅亦有幸一試, 磨菇份量好多, 漢堡亦幾厚身, 如果同燒牛肉漢堡比, 師傅還是鍾愛後者; 而雜菜湯就反而一般一冇咩特別, 普普通通一碗菜湯, 唔酸唔辣清清地咁啦; 最後炸洋蔥圈師傅當然冇食啦, 所以唔知點樣! 食到一半, 師傅已經想去買多個, 但其時廣場內宣佈營業時間已到, 所以師傅亦無謂加單!
總括黎講漢堡包水準真的非常出色, 甚為吸引, 而環境就係商場嘅food court, 所以都幾一般, 而服務亦有禮, 價錢雖然係貴少少, 食漢堡包食到一百七十四蚊, 平均每人八十七, 絕不算平, 但有咁嘅水準都絕對接受到! 最後師傅食完呢一餐比出嘅評語唔係叻, 亦唔係嘩, 而係噢, 仲要係三個呀, 噢! 好好味呀; 噢! 好鬼掂呀; 噢! 好想食多次呀! 真係唔講得笑, 師傅一百個巴仙肯定會再黎食過, 所以你話笑臉點可能唔比呢?
張貼
