小瑪哥米線

營業中

休息中

小店主打雲南菜，原來此店已開業三十年，搬新鋪加入左創新原素，令口味更大眾化。氣鍋雞套餐，包括頭盤小食+氣鍋雞+主菜+主食+甜品或飲品。涼拌金耳：金耳屬於菇菌類，煮熟後冷藏，有D似食魚生，配wasabi和日本豉油食，口感爽滑，清新開胃。香茅豬扒：煎得香口，肉質鬆軟，配青瓜絲，不會有油膩感。山珍氣鍋雞：原個傳統氣孔陶瓷鍋上枱，打開蓋陣陣鮮雞湯撲鼻而來，金黃色既雞汁，加上滑溜既雞件、竹笙、菇類，食落啖啖鮮甜，而且不含味精，實在令人津津樂道。鮮菌蕃茄湯米線：蕃茄湯底用新鮮蕃茄熬製而成，米線掛湯力強，索晒味道濃郁既蕃茄湯汁，酸酸甜甜，仲帶點菇菌香。玫瑰冰冰粉：透明既冰粉，加上芝麻、玫瑰花醬、紅糖水，美味既甜品。總結，食物即叫即做，製作用心，老闆又會關心我哋對食物既意見，絕對值得支持既小店。