影片
更多
2021-08-29
1991 瀏覽
福和雍的賣點有三：粵東磁廠磁具、優質靚茶、前福臨門點心師傅坐陣。當中以粵東磁廠最有故事性：成立於1928年，是本港第一間手繪磁廠，受惠於廣東彩磁師傅南下，帶來技術，亦見證了七、八十年代香港工業最煇煌、出口龐大的盛世。可惜隨著八十年代中國經濟改革，加上香港土地、勞工成本上升，其他磁廠不是北遷就是結業，剩下粵東磁廠仍留守香港，逆境求存，由創辦人的第三代在九龍灣廠廈繼續生産。我哋呢D土生土長既香港人，經歴過香港既盛世，睇住香港工業式微。家陣最熱門既話題除左Mirror 之外，就係討論「留」或「不留」，或者話阿邊個邊個已經去咗米字國/楓葉國啦⋯⋯粵東磁廠既「身世」，你話系咪同香港人命運相連吖！所以，老實講，我去福和雍，主要系因為被粵磁的故事所吸引。去到果然無令我失望！全套磁具清淡雅緻，低調脫俗，有別於一些五星級酒店中菜廰既餐具既華麗風格，突顕茶館所塑造的「港式優雅」風格。見到碟底印有「粵東磁廠（made in) Hong Kong 」字樣，全港磁具，只此一家，真係有d感動！方型的茶壺加竹手柄，造型別致，襯托埋同色系的餐牌，封面展示香港上世紀初的城市面貌及本地人的生活。食點心之餘仲上埋香港歷史課
粵東磁廠磁具、優質靚茶、前福臨門點心師傅坐陣。
當中以粵東磁廠最有故事性：成立於1928年，是本港第一間手繪磁廠，受惠於廣東彩磁師傅南下，帶來技術，亦見證了七、八十年代香港工業最煇煌、出口龐大的盛世。可惜隨著八十年代中國經濟改革，加上香港土地、勞工成本上升，其他磁廠不是北遷就是結業，剩下粵東磁廠仍留守香港，逆境求存，由創辦人的第三代在九龍灣廠廈繼續生産。
我哋呢D土生土長既香港人，經歴過香港既盛世，睇住香港工業式微。家陣最熱門既話題除左Mirror 之外，就係討論「留」或「不留」，或者話阿邊個邊個已經去咗米字國/楓葉國啦⋯⋯粵東磁廠既「身世」，你話系咪同香港人命運相連吖！
所以，老實講，我去福和雍，主要系因為被粵磁的故事所吸引。去到果然無令我失望！全套磁具清淡雅緻，低調脫俗，有別於一些五星級酒店中菜廰既餐具既華麗風格，突顕茶館所塑造的「港式優雅」風格。
見到碟底印有「粵東磁廠（made in) Hong Kong 」字樣，全港磁具，只此一家，真係有d感動！方型的茶壺加竹手柄，造型別致，襯托埋同色系的餐牌，封面展示香港上世紀初的城市面貌及本地人的生活。食點心之餘仲上埋香港歷史課，真係食得有文化！😂
福和雍的第二賣點是提供數款搜羅自內地的優質靚茶。我哋選左布朗宮廷熟茶，産自雲南西雙版納的普洱茶，茶味甘醇順滑。
話說以前的人上茶居是喝茶為主，點心為副。可是香港人就將佢倒轉😂。香港一般茶樓的茶葉茶香不足，苦澀有餘。福和雍就期望做到茶靚點心正！這裡點心款式不算多，貴精不貴多！有前福臨門點心師傅坐陣，鳯眼餃精緻帶子鮮；韮菜炸蟹盒皮薄餡靚不油膩；蝦餃、燒賣不俗；蛋黃千層糕據聞話要逐層蒸，工夫不少，咸香濃郁的蛋黃蓉被微甜的底糕㚒著，咸中帶甜，軟糯中咬到一粒粒的蛋黃，成為必試之選。
張貼
