三木日本料理 (已結業)

由於女朋友係尖沙咀附近工作既關係呢，而我地又有成個星期冇見面了，仲有就係就快到聖誕節了所以決定要揾番啲好野食下三木係一間位置比較唔容易發現到既餐廳，因為佢係位於一棟唔係好起眼既大廈，如果你唔係有佢确實既位置根本就好難發現到。雖然佢既位置係唔方便不過呢佢既裝修又真係不錯，新淨得黎又有不少grand既設計，都幾吸引到我唔洗講咁多啦，一坐低就緊係叫野飲先啦，我地叫左以上兩樣野飲。驚喜既係野飲一到冇耐，就已經有刺身送上了，我和女朋友都覺得奇怪，明明我地都冇叫過刺身，點解會自己送上門呢，仲以為佢地搞錯左添點知，點知，原來係送既，見到果兩隻大蝦就已經令人興奮，大大隻又有少少甘甜，另外既帶子都好新鮮。小弟重點推介呢個黑松露忌廉湯，啖啖都係充滿左黑松露既湯，每喝一口成個口腔都充滿左黑松露既香味，可想而知三木真係落足料既跟住落黎就係厚燒牛舌同牛柳粒，牛舌厚得黎又肉質嫩滑，爽口彈牙，一啲都唔韌。最後係甜品方面，我就選擇左櫻花味既雪糕，嗅落去佢有少少既花香味，食落甜甜地同平時雪糕既甜味又有啲不同，我唔識用言語去形容