影片
更多
2015-07-31
2313 瀏覽
週末放假，又口痕痕想大食一餐，諗嚟諗去，都係食放題先夠過癮，又醒起上次去過嘅三木，啲嘢食唔夠，於是諗住返食，睇吓啲質素維唔維持到。雖然上次嚟過，但今次又唔記得咗位置，都要搵咗，因為呢間嘢係數上舖，仲要係喺尖沙咀唔係咁旺嘅街口。不過我成日形住喺香港要喺啲靜啲嘅地方先有又正又抵食嘅嘢。事不宜遲，一坐落嚟當然係落單食刺身先啦。先講講個甜蝦，唔錯，夠哂鮮甜，一定要點第二輪。三文魚都OK，好新鮮，喺等入場嗰時仲見到門口貼咗張挪威入口證書，夠哂信心。個八爪魚係幾爽口，口感一流。不過個吞拿魚就唔係好掂，又唔係話唔新鮮，但唔知點解有嚼唔爛嘅筋，食咗一塊就冇食。食完兩轉刺身就轉攻熟食，我認為呢個蒸蛋係必食嘅，同上次一樣保持水準，火候啱啱好，唔老又唔會係生蛋，熱度又啱啱好，係放題之中嘅超水準之作。食放題食壽司就好似搵自己老襯咁，因為好快填飽肚，但呢個海膽軍艦係必點嘅，關鍵係個海膽真係好正，而且飯唔太大舊。串燒牛舌依舊惹味，口感彈牙，但比上次切細塊咗，更易入口。唔係好明點解食日式放題點解會有忌廉湯，但唔理咁多，呢個湯真係整得幾正，好香，個湯幾杰，唔似係罐頭湯，正過好多西餐廳嘅餐湯。個鯖魚整得唔錯，啲肉唔老，
週末放假，又口痕痕想大食一餐，諗嚟諗去，都係食放題先夠過癮，又醒起上次去過嘅三木，啲嘢食唔夠，於是諗住返食，睇吓啲質素維唔維持到。
雖然上次嚟過，但今次又唔記得咗位置，都要搵咗，因為呢間嘢係數上舖，仲要係喺尖沙咀唔係咁旺嘅街口。不過我成日形住喺香港要喺啲靜啲嘅地方先有又正又抵食嘅嘢。
事不宜遲，一坐落嚟當然係落單食刺身先啦。先講講個甜蝦，唔錯，夠哂鮮甜，一定要點第二輪。
三文魚都OK，好新鮮，喺等入場嗰時仲見到門口貼咗張挪威入口證書，夠哂信心。
個八爪魚係幾爽口，口感一流。不過個吞拿魚就唔係好掂，又唔係話唔新鮮，但唔知點解有嚼唔爛嘅筋，食咗一塊就冇食。
食完兩轉刺身就轉攻熟食，我認為呢個蒸蛋係必食嘅，同上次一樣保持水準，火候啱啱好，唔老又唔會係生蛋，熱度又啱啱好，係放題之中嘅超水準之作。食放題食壽司就好似搵自己老襯咁，因為好快填飽肚，但呢個海膽軍艦係必點嘅，關鍵係個海膽真係好正，而且飯唔太大舊。串燒牛舌依舊惹味，口感彈牙，但比上次切細塊咗，更易入口。
唔係好明點解食日式放題點解會有忌廉湯，但唔理咁多，呢個湯真係整得幾正，好香，個湯幾杰，唔似係罐頭湯，正過好多西餐廳嘅餐湯。個鯖魚整得唔錯，啲肉唔老，嚟到仲係熱，係等得耐咗啲，估計係即叫即整。
䄂子雪糕。其實點嘅時候不予厚望，以為又你雀X雪糕，不過食串燒後諗著食凍嘢中和吓。但嚟到食落有驚喜，唔太甜，味較得幾好，仲有粒粒果肉。我見個工作人員係喺個透明大兜筆出嚟，唔排除有可能係店家自家製。
總結今次再來三木嘅大食增磅之旅，啲嘢食可以保持水準，真係唔錯。而且地方幾好坐，啱哂一家大細慢慢邊食邊傾。
張貼
